ՇՏԱՊ.երկրաշարժ Սյունիքում.տարահանում են դպրոցներն ու մանկապարտեզները

Արդեն տեղեկացրել ենք,որ այսօր ժամը 10:17-ին (Գրինվիչի ժամանակով` 06:17) ՀՀ ԱԻՆ Սեյսմիկ պաշտպանության ծառայության սեյսմոլոգիական ցանցի կողմից գրանցվել է հյուսիսային լայնության 39.240 և արևելյան երկայնության 46.380 աշխարհագրական կոորդինատներով (Հայաստան, Կապան քաղաքից 5 կմ հյուսիս-արևմուտք), օջախի 10 կմ խորությամբ, 3.9 մագնիտուդով երկրաշարժ: Ստորգետնյա ցնցման ուժգնությունն էպիկենտրոնում կազմել է 5 բալ: Երկրաշարժը զգացվել է Կապան քաղաքում՝ 5 բալ, Գորիս և Քաջարան քաղաքներում՝ 4-5 բալ ուժգնությամբ: Երկրաշարժին հաջորդել է 3.3 մագնիտուդ ուժգնությամբ մեկ հետցնցում: Ինչպես հայտնում է ֆոտոլրագրող Գագիկ Շամշյանը, ցնցումները հիմնականում զգացվել են Մեղրիում և Կապանում։ Տեղի փրկարարների և ոստիկանների հետ դպրոցներում, մանկապարտեզներում և մի քանի հաստատություններում տարհանումներ են տեղի ունեցել։ Ըստ նախնական տեղեկությունների՝ զոհեր և վիրավորներ չկան։ Երկրաշարժի ուժգնությունը եղել է մոտ 5 բալ։