Շահնազարյան. Հնարավոր անկայունությունը Հայաստանում լինելու է դրսից թելադրված
«Հրապարակ»-ը զրույցել է ՀՀ առաջին նախագահի հատուկ հանձնարարություններով դեսպան, Ազգային անվտանգության ծառայության նախկին ղեկավար, Տարածաշրջանային հետազոտությունների հայկական կենտրոնի վերլուծաբան Դավիթ Շահնազարյանի հետ: Թերթի հարցին՝ ապրիլյան պատերազմից հետո հասարակությունը վերանայեց ՌԴ-ի մասին իր պատկերացումները, առաջացավ որոշակի անվստահություն, թեև ՌԴ-ն ակտիվ դեր ունի ղարաբաղյան հակամարտության կարգավորման հարցում, Շահնազարյանը պատասխանել է. «Ադրբեջանը ՌԴ-ից զենքի թիվ 1 գնորդն է, և դա մինչ օրս շարունակվում է։ Ըստ պաշտոնական տվյալների՝ վերջին 8-9 տարվա ընթացքում Ադրբեջանը ՌԴ-ից գնել է մոտ 20 անգամ ավելի շատ սպառազինություն, քան՝ մենք, իսկ ընդհանուր հաշվարկով՝ 22 մլրդ․ դոլարի սպառազինություններ։ Հիմնական խնդիրը տեսնում եմ արտաքին քաղաքական ոլորտում։ Այսօրվա ամենալուրջ մարտահրավերները, որոնք ծառացել են Հայաստանի առջև, Արցախի պատերազմն է, որը չի նմանվելու նախորդ պատերազմին և լինելու է հայրենական պատերազմ, և հնարավոր անկայունությունը Հայաստանում լինելու է դրսից թելադրված։ Շատ վտանգավոր մարտահրավեր կլինի այս երկուսի համընկնումը»։ Հարցազրույցն ամբողջությամբ՝ թերթի այսօրվա համարում:
Հետևեք մեզ Viber-ում
