Ինչ պայման է դրել ՀՅԴ-ն Սերժ Սարգսյանի առաջ
Ինչպես հայտնել էինք, դաշնակցական Գեղամ Մանուկյանը ֆեյսբուքի իր էջում գրել էր, թե ԱԺ պատգամավոր, ՀՀԿ ռեյտինգային ընտրակարգով Արագածոտնի մարզում առաջադրված թեկնածու Բազմասեր Աառքելյանը Փարպի գյուղում գտնվող իր տուն է հրավիրել համագյուղացիներից մեկին, ու տեղեկանալով, որ նա քվեարկելու է Դաշնակցության օգտին, դաժան ծեծի են ենթարկել նրան, ում արդեն տեղափոխել են հիվանդանոց։ Առաքելյանը Hraparak.am-ի հետ զրույցում հերքեց այս տեղեկությունը՝ նշելով, թե «ինքն ուժեղ մարդ է և պրովոկացիաների չի տրվում»։ ԱԺ ՀՅԴ խմբակցության քարտուղար Աղվան Վարդանյանն այս առնչությամբ ասաց․ «Ես կարդացի Բազմասերի ասածները, ցավում եմ, որ ակնհայտ սուտ է խոսում։ Իրականությունն այն է, որ համագյուղացուն կանչել են իրենց տուն և ծեծի ենթարկել։ Մնացածը Գեղամ Մանուկյանի ստատուսից ամբողջ ճշմարտությունը գիտեք։ Ես չգիտեմ՝ իրենց համայնքի բնակիչներն ինչ կարծիք են ունենալու մեկի մասին, ով իր սեփական տանը կանչում և համագյուղացի երիտասարդին ծեծի է ենթարկում»։ Մեր տեղկություններով,երեկ ՀՅԴ Բյուրոյի ներկայացուցիչ Հրանտ Մարգարյանը հայտարարել ,որ անհապաղ անելու են ամեն ինչ հարցին լուծում տալու համար:Ըստ այդմ,ասել է նաև ,որ վաղը նախատեսված է հանդիպում նախագահ Սերժ Սարգսյանի և ՀՅԴ ներկայացուցիչների միջև,որի ընթացքում էլ դաշնակցականները նախագահի առաջ պայման են դրել,որ Բազմասեր Առաքելյանը դուրս գա ընտրապայքարից:
Հետևեք մեզ Viber-ում
