Վերջին անգամ կռիվ արել եմ տաս տարի առաջ՝ ըմբշամարտի գորգի վրա. Բազմասեր Առաքելյան
Երեկ լուրեր տարածվեցին, որ ՀՀԿ-ական պատգամավոր Բազմասեր Առաքելյանի տանը նրա մի քանի տասնյակ կողմնակիցներ ծեծի են ենթարկել համագյուղացիներից մեկին, որը քվեարկելու է Դաշնակցության օգտին: Ըստ այդ լուրերի՝ նրան տեղափոխել են հիվանդանոց: Նշվել է, որ բացի այդ, կողմնակիցները հարձակվել են նաև տուժածի եղբոր վրա։ NewsBook-ը դեպքի առնչությամբ կապ է հաստատել Բազմասեր Առաքելյանի հետ: Արագածոտնի մարզից ՀՀԿ ռեյտինգային ցուցակով առաջադրված պատգամավորության թեկնածուն մեզ հետ զրույցում, անդրադառնալով վերոնշյալ լուրերին, նշեց. «Ես չգիտեմ` ինչ են գրում, ինչ չեն գրում, բայց ես վերջին անգամ կռիվ արել եմ ըմբշամարտի գորգի վրա տաս տարի առաջ: Այդքան բան»: Բազմասեր Առաքելյանն այլ հարցերի չցանկացավ պատասխանել՝ նշելով, որ մնացածն ամեն ինչ գրված է իր Facebook-յան էջում: Նշենք, որ Բազմասեր Առաքելյանն, իր գրառման մեջ որևէ անուն չնշելով, մասնավորապես ընդգծել է, թե դաստիարակությունը թույլ չի տալիս, որպեսզի խորհրդարանական գործընկերոջը մեղադրի ստախոսության մեջ: Նա նաև նշել է, որ հրապարակվող նյութերը, որոնք նշում էին իր անձի, ընկերների և հարազատ մարդկանց գործադրմամբ, այս կամ այն բռնությունը, հետապնդում են մի նպատակ՝ գցել իր վարկանիշը:
Հետևեք մեզ Viber-ում
