Զուրաբյանն առաջարկում է ԱԺ փակ նիստում քննարկել շփման գծում տիրող վիճակը
ՀԱԿ խմբակցության ղեկավար Լեւոն Զուրաբյանը ԱԺ այսօրվա նիստում հայտարարեց,որ փետրվարի 24-ի լույս 25-ի գիշերը ղարաբաղա-ադրբեջանական շփման գծում հակառակորդի գործողությունները չի կարելի դիտարկել որպես առանձին դրվագ. սա իրականում ապրիլյան պատերազմի շարունակությունն է եւ նախերգանքը նոր պատերազմական գործողությունների համար: «Իրավիճակը նորից սկսում է դուրս գալ վերահսկողությունից: Մենք աստիճանաբար սլանում ենք դեպի պատերազմական էսկալացիայի եւ եթե շատ արագ չձեռնարկվեն ադեկվատ միջոցառումներ ռազմաճակատի գծի ամրապնդման, մեր դիվանագիտական ջանքերի ակտիվացման ուղղությամբ՝ մենք կանգնած ենք կործանարար հետեւանքների եւ հեռանկարների առջեւ»,-ասաց նա:: Լեւոն Զուրաբյանն, առաջարկեց ԱԺ-ի փակ նիստում՝ համակողմանիորեն քննարկել ստեղծված իրավիճակը: «Կմտածենք:Մեզնից որեւէ մեկը չկա, որ մոտեցումը այնպիսին է, որ ինչպիսին եղել է ժամանակին դիրքերն այդ առումով, դա այդպես էլ պիտի շարունակվի: Մեր խնդիրը պայքարն է, պիտի շարունակենք մինչեւ վերջ: Հասկանանք, դատենք, թե փակ նիստում ինչ ենք անելու»,-պատասխանեց ԱԺ նախագահը:
Հետևեք մեզ Viber-ում
