Փող որտի՞ց, որ ընտրակաշառք բաժանենք. Սամվել Ալեքսանյան
«Տենց փող որտի՞ց, որ մենք ընտրակաշառք բաժանենք», - խորհրդարանում լրագրողները ՀՀԿ պատգամավոր Սամվել Ալեքսանյանից հետաքրքրվեց ,որ մամուլում տեղեկություններ կան,որ ընտրատարածքում ընտրակաշառք են բաժանում: Պատգամավորը ընդգծեց, որ իր կողմից արվող բարեգործությունը կապ չունի ընտրակաշառքի հետ։ Խոսելով նույն ընտրատարածքում ՀՎԿ համամասնական ցուցակով առաջադրված Հեղինե Բիշարյանի հետ ունեցած փոխհարաբերությունների մասին՝ Սամվել Ալեքսանյանը նշեց. «Հեղինե Բիշարյանի հետ մենք միշտ էլ հաշտ ենք։ Ինքը միշտ էլ Շենգավիթ համայնքից դրել է, հիմա մենք մեղավո՞ր ենք, որ այդ երկու համայնքը իրար միացրին»։ «Ես շատ անելիքներ ունեմ խորհրդարանում և դրա համար տեսնում եմ ինձ հաջորդ խորհրդարանում: Լիքը, լիքը գործ եմ արել», - ասաց նա և հավելեց, որ եթե անգամ հաջորդ խորհրդարանում չհայտնվի, ապա կշարունակի զբաղվել բարեգործությամբ։ «Բայց ո՞վ ասաց, որ մենք սուտ ենք խոսում, ես սուտ չեմ խոսելու։ Եթե ձեզ հետաքրքրում է, եկեք քարոզարշավի ու կիմանաք»,-հարցին,թե մեկնարկում է պահքի շրջանը և ինչպես են թեկնածուները պատրաստվում այս շրջանում առանց «սուտ խոսելու» քարոզարշավ անել, ասաց Ալեքսանյանը:
Հետևեք մեզ Viber-ում
