Թաղային հեղինակություններ, բժիշկներ, հրապարակախոսներ, խայտաբղետ ու խայտառակ պայքար
Մի քանի ընտրատարածքներում թեկնածուների ներկապնակն արդեն ներկայացրել ենք, կնեկայացնենք նաեւ Երեւանի թիվ 2 ընտրատարածքի պատկերը, այն ընդգրկում է Արաբկիր, Աջափնյակ, Դավիթաշեն համայնքները: Ընտրապայքարը դեռ չի մեկնարկել, բայց ՀՀԿ թեկնածուները գործի են անցել, ոմանք նաեւ հարկադրանքի են դիմում, օգտագործում պաշտոնական լծակները: ՀՀԿ-ի առանցքային ներկայացուցիչներն այստեղ քիչ չեն: Արտակ Սարգսյանը՝ Սաս-ի Արտակը այս տարածաշրջանում բավականին մեծ էլեկտորատ ունի, նախորդ ընտրություններին նա մշտապես բարձր արդյունքներ է արձանագրել: Ընտրապայքարի մեջ է մտել Գալուստ Սահակյանի որդին՝ Պետական գույքի կառավարման վարչության պետը: Արդեւ տեւական ժամանակ է լուրեր են տարածվել, որ Սահակյանի որդին ագահաբար իրենով է անում ընտրատարածքը՝ <<էս սարն իմն է, էս ծառն իմն է, այստեղ իմ շտաբն է>>, տարածքի բնակիչները փաստում են, որ ամեն քայլափոխի կարելի է տեսնել թեկնածուի նախընտրական շտաները: Պայքարին է խառնել անգամ սեփական կնոջը, որը Երեւանի թիվ 38 մանկապարտեզի վարիչն է: Նա ողջ կոլեկտիվից պայանջել է ցուցակներ ներկայացնել առնվազն հինգ հոգու, որոնք պետք է ընտրեն իր ամուսնուն: Նա լրագրողի հետ զրույցում չէր էլ թաքցրել, որ ընտանիքով լծվել են ամուսնու ընտրարշավի գործին, այլ վայրի բնակիչներին բերում-գրանցում այս ընտրատարածքում:Այս առումով կանաչ ճանապարհ ունի նաեւ ոստիկանապետի հանրահայտ փեսա Արթուր Գեւորգյանը, նա այդ գործընթացը աներ-հայրիկի օգնությամբ իրականացնում է առավել անաղմուկ: Չնայած վերջին տարիներին Գեւորգյանը տարվա մեծ մասն ընտրանիքի հետ անցկացնում է ԱՄՆ-ում, այնտեղ ունեցավ նաեւ իր որդուն, ոի ենթադրվում էր , որ նա խնդիրներ կունենա պահանջվող չորս տարվա մշտական բնակության պահանջի առումով, սակայն պարզվում է, որ այս հարցն էլ խնդիր չէ ոստիկանապետի փեսայի համար: Դավիթաշենի թաղապետն էլ նրա զարմիկն է եւ արդեն տեղեկություններ կան, որ համայնքի բնակիչների շրջանում ուղղորդող աշխատանքներ են տարվում: Քաղավիացիայի վարչության պետ Արտյոմ Մովսիսյանը նույնպես ՀՀԼ-ի ռեյտինգային ցուցակում է, աղմկահարույց հրաժարականից հետո ըստ ամենայնի Մմովսիսյանին դրսեւորվելու շանս է տրվել: ԲՀԿ-ի թեկնածուների թիվը կրկնակի քիչ է, քան ՀՀԿ-ինը, նրանք ընդամենը չորսն են՝ ԱԺ պատգամավորներ Վահան Կարապետյան, Տիգրան Ուրիխանյան, Ավագանու անդամ Ռուբեն Կճոյան եւ նախկին պատգամավոր Զոհրաբ Զոհրաբյան: Ամենամեծը վերջինիս շանսերն են, տարիներ առաջ Զոհրաբյանը անկուսակցական կարգավիճակում առաջադրվեց եւ Ռուբեն Հայրապետյանի աջակցությամբ դարձավ պատգամավոր, հետո խզվեց նրա եւ ՀՀԿ-ի հարաբերությունները, իսկ անցած ընտրությունների ժամանակ նա հանգրվանեց ԲՀԿ-ում: Զոհրաբյանը սերտ կապեր ունի թաղային հեղինակությունների հետ: Ելք դաշինքում թեկնածուները 14-ն, հանրահայտները հետեւյալներն են՝ Հայկ Կոնջորյան Լուսավոր Հայաստան կուսակցության անդամ, Լենա Նազարյանը՝ ՔՊ անդամ եւ իրավապաշտպան Արտակ Զեյնալյանը, հատկապես վերջինը մեծ հարգանք է վայելում:ՕՐՈ դաշինքը ներկայացված է 10 թեկնածուով, միակ հայտնին Ժառանգության փոխնախագահ Արմեն Մարտիրոսյանն է, դժվար է ասել, թե ինչ շանսեր ունի այս ընտրություններին Մարտիրոսյանը, քանզի նշված դաշինքի պատճառով կուսակցությունը հերթական տրոհմանը ենթարկվեց, այն լքեց Ժառանգության սիմվոլ Զարուհի Փոստանջյանը: Ազատ դեմքկրատների ցուցակում էլ 7 թեկնածու է ընդգրկված, թերեւս ամենահայտնին Արմեն Առաքելյանն է, որն այդ կուսակցության վարչության անդամ է: ՀՅԴ-ի թեկնածուների շարքում է առողջապահության նախկին նախարար Նորայր Դավիդյանը, պատգամավոր Միքայել Մանուկյանը, Հայբուսակ համալսարանի ռեկտոր Անահիտ Հարությունյանը, առողջապահության նախարարի նախկին տեղակալ Գագիկ Միրինջանյանը, Արաբկիրի թաղապեը Հովհաննես Վարդանյանը եւ այլն, իսկ ՀԱԿ-ում ամենաընդունելի գործիչներից մեկն է մրցելու, խոսքն Արամ Մանուկյանի մասին է,ցուցակում են նաեւ Զոյա Թադեւոսյանը, Արման Մուսինյանը, հրապարակախոս Տիգրան Պասկեւիչյանը: Անի Սահակյան