Պայմանագրային զիծառայողների միջին աշխատավարձը կհասցնեն 240 000-ի
«Օհանյան-Րաֆֆի-Օսկանյան» դաշինքի առաջին համաժողովի ժամանակ պաշտպանության նախկին նախարար Սեյրան Օհանյանը հայտարարեց, որ բանակը, ինչպես յուրաքանչյուր կենդանի օրգանիզմ, խնդիր ունի էլ ավելի կատարելագործվելու:«Այսօր մեծն զորավար Անդրանիկի ծննդյան օրն է, եւ նրա ուժով ենք մենք այսօր հավաքվել: Առաջիկա շաբաթների ընթացքում հայ ժողովրդին փաստելու ենք, որ միասնության մեջ է հաղթանակը»: Ինչպես ասաց՝ այսօր ամենակարևոր հարցը Արցախի անվտանգությունն է. «Այո, մենք այսօր կարիք ունենք նոր, ժամանակակից սպառազինությունների ձեռքբերման: Ես որոշեցի մտնել քաղաքականություն, քանի որ ՀՀ զարգացման հնարավորությունները սպառվել են: Ստեղծվել է մի իրավիճակ, երբ կամ պետք է գիտակցենք իրավիճակի լրջությունը և դիմենք քայլերի, կամ կկանգնենք իրական աղետների առաջ»: Նա իր ելույթում Ս. Օհանյանը հայտարարեց, որ իրենք առաջիկա երեք տարիների ընթացքում պայմանագրային զինծառայողների թիվը բարձրացնելու են. «Մարդակենտրոն աշխատանքն ու կոռուպցիայի դեմ պայքարը դրվել են պլանային հիմքերի վրա: Առաջին երեք տարում ավելացնենք պայմանագրային ծառայողների թիվը ու նրանց աշխատավարձը դարձնել 240 հազար դրամ: Սրանով նաեւ կավելացնենք զինվորական ծառայության գրավչությունը»:
Հետևեք մեզ Viber-ում
