«Աշխարհում որևէ այլ տեղ այսպես բան չկա, որ տուգանեն սեփական քաղաքացիներին». Արմեն Մարտիրոսյան
Օհանյան-Րաֆֆի-Օսկանյան դաշինքի առաջին համաժողովին այսօր դաշինքի անդամ, «Ժառանգության» փոխնախագահ Արմեն Մարտիրոսյանը հայտարարեց, որ Հայաստանը տանում են աղքատության և սնանկության:«Աշխարհում որևէ այլ տեղ այսպես բան չկա, որ այսքան տեսանկարահանեն և այսքան տուգանեն սեփական քաղաքացիներին: Խոսքը ոչ միայն արագաչափերին է վերաբերում, այլ նաև տարատեսակ այլ տուգանքներին»: Այնուհետեւ նա սկսեց թվարկել Վարդան Օսկանյանի, Րաֆֆի Հովհաննիսյանի ու Սեյրան Օհանյանի քաղաքական, պետական գործունեությունը՝ ընդգծելով նրանց դրական կողմերն ու գովաբանելով նրանց անցած ուղին. «Մենք հանդիպումներ ենք ունեցել այլ քաղաքական կուսակցությունների հետ, ցավում եմ, որ շատերի հետ համագործակցությունը չստացվեց: Մենք ունենք գիտելիք, փորձառություն ու կամք: Այդ ամենը պետք է ներդրվի մի բանի՝ արմատական փոփոխությունների համար»:
Հետևեք մեզ Viber-ում
