Վերջինները կդառնան առաջիններ. ինչ է պատմում ՀՀԿ ցուցակը
Հրապարակ օրաթերթը գրում է.Ըստ ՀՀԿ աղբյուրների` իրենց ցուցակը կազմված է արտաքին, ներքին «աուդիտորիայի» համար։ «Այս անգամ եկել ենք հակառակ կողմից. եթե հիշում եք` նախորդ ընտրություններին ցուցակը կազմված էր բոլորովին այլ սկզբունքով՝ «պատվավոր» տեղերում էին թե հնաբնակները, թե օդիոզները, թե մեծամասնականի «ասողները», իսկ ցուցակի վերջում` 70-ից սկսած, նոր գալիս էր երիտասարդ սերունդը»,- ասաց ՀՀԿ-ականը: Նախորդ անգամ հույս են ունեցել, որ ՀՀԿ առաջնամասը կնվազի` գործադիրում պաշտոններ ստանալով, 2-րդ մասն ինքն իրեն առաջ կգա, բնական «սերնդափոխություն» տեղի կունենա: Բայց դա գրեթե տեղի չունեցավ, ուստի այս անգամ առաջին տասնյակները «լցոնեցին» «փուչիկանման» Կարեն Ավագյանի կադրերով: Սակայն սերնդափոխություն այս անգամ էլ տեղի չի ունենա, որովհետեւ ռեյտինգայինները խիստ «պատվավոր» տեղեր կզբաղեցնեն ԱԺ-ում` հետին պլան մղելով «նանո-ջահելներին»:
Հետևեք մեզ Viber-ում
