Ով ում աչքը կհանի տիտանների պայքարում

Մալաթիա Սեբաստիա  եւ Շենգավիթ համայնքներն ընդգրկող երրորդ ընտրատարածքում հիրավի տիտանների պայքար է սպասում։ Հայաստանի ամենաարտոնյալ օլիգարխներից Սամվել Ալեքսանյանի՝ Լֆիկի Սամոյի տեր ու տնօրինության տակ գտնվող Մալաթիայում  հեղինակություն ունեցող ու զանգվածներին ծանոթ ընդդիմադիրներ են առաջադրվել։ Սամվել Ալեքսանյանի ընտրանեկան արշավը վստահաբար առանց անարգել չի անցնի։ Ընտանեկան, քանզի նույն ընտրատարածքում առաջադրվել է նաեւ Ալեքսանյանի փեսա, պատգամավոր Կորյուն Նահապետյանը, ով Լֆիկի հակապատկերն է, ԱԺ ամենապատրաստված պատգամավորներից մեկը, որն իր վարքագծով ու բառ ու բանով Ալեքսանյանի հակապատկերն է։ Այդուհանդերձ, վերջինիս վարկաբեկված համբավը ստվերելու է նաեւ Կորյուն Նահապետյանի շանսերը, ավելի ճիշտ նրանք նույնացվելու են, դիտարկվելու միեւնույն հարթության մեջ։ Թեեւ մեծ հաշվով իշխանական թեկնածուների դեպքում քվե կորզելու հարցում ոչ թե հեղինակության ֆակտորն է աշխատելու,այլ ռեսուրսներն ու թաղային հեղինակությունները։ Այդ ամենով հանդերձ այս ընտրությունները այլ են լինելու նաեւ իշխանության , այս ընտրատարածում Սամվել Ալեքսանյանի համարմ նրան չի փրկի Հեղինե Բիշարյանի հետ ախպերությունը, քանզի ՕԵԿ էգ առյուծը գրեթե տղամարդու խոսք է տվել, որ իր ձեռքերով կհանի բոլոր նրանց աչքերը, ովքեր իրենց թանին կասեն՝ թթու է։ Արթուր Բաղդասարյանի ՀՎԿ-ի ֆավորիտ թեկնածուն Ալեքսանյանի ոսկորները կծեծի, նույն տարածքում ռեյտինգայինով առաջադրված անհայտ կուսակիցներն էլ պատգամավոր Լեւոն Դոխոլյանի գլխավորությամ կքերթեն կածիները՝ հետեւելով կուսակցապետի հորդորին։ Ծառուկյան դաշինքը որքան էլ ուշագրավ է ներկայանում երեք թեկնածուով, ամենաճանաչվածը  ԲՀԿ-ական Հարություն Կարագյոզյանն է, ԱԺ կոճակ սեղմողներից մեկը, որի ձայնը  չորս տարվա ընթացքում չի զգացվել։ Մյուս երկուսը անհայտ անուններ են։ ՕՐՕ դաշինքի ութ հոգանոց ցուցակում եւս մեկ հայտնի անուն չկա։Ելք-ում, պայքարի են նետվում երիտասարդներըմ որոնք կարճ ժամանակում ճանաչելի են դարձել եւ ընկալելի հանրության կողմից՝ Արայիկ Հարությունյան, Արարատ Միրզոյան, ինչպես նաեւ Համբարձում Համբարձումյանը։ ՀԱԿ-ից Լեդի Հակոբը՝ Հակոբյան կպայքարի ոխերիմ հակառակորդ Լֆիկ Սամոյի հետ, նրանց քավորսանիկական հարաբերությունները հաճախակի են վայրիվերումներ ապրում, հիմա նրանց դաժան մրցակցություն է սպասվում։ Իսկ Անահիտ Բախշյանը, որն առաջադրվելու է Ազատ դեմոկրատներ կուսակցության կողմից, դառնալու է բոլորի ահուսարսափը։ Սիրված ու հանրության կողմից ընդունված Բախշյանը կդառնա այլընտրանք թե իշխանությանը, թե ընդդիմություն հռչակվածներին: Անի Սահակյան