Երեկ՝ փետրվարի 23-ին, կայացել է Երևանի պետական բժշկական համալսարանի ստոմատոլոգիական ֆակուլտետի դեկան, դոցենտ Լազար Եսայանը դոկտորականի պաշտպանությունը: Պաշտպանությունը տեղի է ունեցել մասնագիտական խորհրդում, որի ղեկավարը եղել է Արմեն Շաքարյանը: Խորհրդի՝ քվեարկության իրավունք ունեցող 9 անդամները փակ գաղտնի քվեարկությամբ հաստատել են Եսայանի դոկտորականը: Կողմ է քվեարկել9 մարդ, դեմ՝ 1-ը: Նշենք, որ մինչ այդ, փետրվարի 21-ին տեղի էր ունեցել Լազար Եսայանի դոկտորականի պաշտպանության առաջին նիստը, որի արդյունքների մասով Մասնագիտական խորհրդի նախագահ Արմեն Շաքարյանը լրատվամիջոցներով պարզաբանել էր. «Լազար Եսայանի դոկտորականի պաշտպանությանը քվեարկելու իրավունք ունեցող 9-ը հոգուց կողմ էր քվեարկել 5 հոգի, դեմ` 4-ը, մինչդեռ աշխատանքի հաստատման համար պահանջվում է 7 կողմ ձայն: Այդ որոշումը նույն նիստի ժամանակ նույն անձնակազմով չի հաստատվել: Նիստը շարունակվում է, վերջնական տվյալները կպարզվեն նիստն ավարտվելուց հետո, իսկ ամենավերջնականը` ԲՈՀ-ի որոշումից հետո»: Այսպիսով փաստենք, որ Մասնագիտական խորհրդի երկու նիստերի փակ գաղտնի քվեարկության արդյունքներով բժշկագիտության ոլորտը համալրվեց ևս մեկ դոկոտորական ատենախոսությամբ: Նկատի ունենալով, որ Լազար Եսայանի դոկտորական դիսերտացիայի պաշտպանությունը գրավել էր զանգվածային լրատվամիջոցների ուշադրությունը, ինչպես նաև այն, որ Լազար Եսայանի մասնագիտական գործունեությունը միշտ էլ եղել է հանրային ուշադրության և հետաքրքրության կենտրոնում, հարկ ենք համարում ներկայացնել բժշկական գիտությունների դոկտոր Լազար Կառլենի Եսայանի կենսագրությունը:
Լազար Կարլենի Եսայան
Ստոմատոլոգիական ֆակուլտետի դեկան, դոցենտ
Տարեթիվ, ամսաթիվ, ծննդավայր
1969թ., 13 հուլիսի, ք.Երևան։
Կրթություն
1976-1986թթ.- ք. Երևան, թիվ 139 անգլիական թեքումով դպրոց,
1987-1992թթ.- ք. Երևան, Մ. Հերացու անվան բժշկական ինստիտուտ,
Աշխատանքայինգործունեություն
1986-1987թթ.- ք. Երևան, 8-րդ բուժմիավորման ծննդաբերական բաժանմունք` սանիտար,
1992-1993թթ.- ք. Երևան, թիվ 2 ստոմատոլոգիական պոլիկլինիկա` բժիշկ-ինտերն,
1993-1999թթ.- ք. Երևան, թիվ 2 ստոմատոլոգիական պոլիկլինիկա` բժիշկ ստոմատոլոգ-թերապևտ,
1998-2004թթ.- ք. Երևան, թիվ 14 պոլիկլինիկա` բժիշկ ստոմատոլոգ-թերապևտ,
1999-2003թթ.- ԵՊԲՀ թերապևտիկ ստոմատոլոգիայի ամբիոն` ասիստենտ,
2004-2006թթ.- ք. Երևան, «Սուրբ Գրիգոր Լուսավորիչ» ԲԿ-ի պոլիկլինիկա` բժիշկ- ստոմատոլոգ,
2004-2006թթ.- ք. Երևան, թիվ 1 համալսարանական ստոմատոլոգիական կլինիկա` ղեկավար և գլխավոր բժիշկ,
2006-2007թթ.- ք. Երևան, «Սուրբ Գրիգոր Լուսավորիչ» ԲԿ-ի պոլիկլինիկա` ստոմատոլոգիական բաժանմունքի վարիչ,
2006-2007թթ.- ք. Երևան, Մ. Հերացու անվ. ԵՊԲՀ թերապևտիկ ստոմատոլոգիայի ամբիոն` ամբիոնի վարիչ,
2006թ.- ք. Երևան, թիվ 1 համալսարանական ստոմատոլոգիական պոլիկլինիկա` ղեկավար,
2007-2010թթ. - ԵՊԲՀ-ի ընտանեկան ստոմատոլոգիայի ամբիոն` ամբիոնի վարիչ,
2010թ. մարտ-օգոստոս- ք. Երևան, «Արզ-ստոմ կենտրոն»` փոխտնօրեն,
2010թ. - առ այսօր- ք. Երևան, «ԿԼԱՆՍԵ» բժշկական ստոմատոլոգիական կենտրոն` հիմնադիր և տնօրեն,
2010թ.-ից առ այսօր - ՀՀ առողջապահության նախարարության գլխավոր ստոմատոլոգ,
2011թ. մայիս-օգոստոս - Մ. Հերացու անվ. ԵՊԲՀ թերապևտիկ և ընտանեկան ստոմատոլոգիայի ամբիոն` ամբիոնի վարիչ, թիվ 1 համալսարանական ստոմատոլոգիական պոլիկլինիկա` ղեկավար,
2011թ. - առ այսօր - ԵՊԲՀ գլխավոր ստոմատոլոգ,
2011թ. - առ այսօր - ԵՊԲՀ ստոմատոլոգիական մասնագիտությունների մեթոդական հանձնաժողով` նախագահ,
2011թ.-ի օգոստոսի 25-ից` ստոմատոլոգիական ֆակուլտետի դեկան։
Այլտվյալներ
2001թ. - թեկնածուական ատենախոսության պաշտպանություն,
2003թ. - ԵՊԲՀ թերապևտիկ ստոմատոլոգիայի ամբիոնի դոցենտ,
2004թ. - դոկտորական ատենախոսության պլան-անոտացիայի հաստատում:
2005թ-ին պարգևատրվել է «Մ.Հերացու անվան Ոսկե մեդալ»-ով,
2008թ-ին` ՀՀ առողջապահության նախարարի «Շնորհակալական պատվոգրով»,
2010թ-ին` «Ստոմատոլոգիայի նվիրյալ» ոսկե մեդալով։
2015թ.-ին՝ Վարչապետի շնորհակալագրով:
2000թ.-ից - «Հայաստանի ստոմատոլոգների ասոցիացիա»` վարչության անդամ, երիտասարդության հարցերով բաժնի ղեկավար,
2006թ.-ից - մեթոդական տարբեր հանձնաժողովների անդամ,
2001թ.-ից - բազմաթիվ անգամ ավարտական քննությունների պետական հանձնաժողովների անդամ և նախագահ,
2008-2010թթ. - «Ստոմատոլոգիական կրթություն և գիտություն ասոցիացիա»` նախագահ,
1998թ.-ից - մի շարք միջազգային համագումարների, գիտաժողովների, ինչպես նաև ձեռքի հմտության դասընթացների մասնակից,
2009թ.-ից - ստոմատոլոգների միջազգային ակադեմիայի լիիրավ անդամ,
2009թ. մայիսի 21-23- կյանքի կոչեց «Ստոմատոլոգիական կրթություն և գիտություն» ասոցիացիայի առաջին միջազգային վեհաժողովը, որի շրջանակներում կազմակերպվեցին նաև ձեռքի հմտության դասընթացներ,
1995թ.-ից - ակտիվորեն զբաղվում է երիտասարդ մասնագետների պատրաստման և վերապատրաստման հարցերով, գիտական գործունեությամբ, բազմաթիվ նորարարական առաջարկների և պատենտների համահեղինակ և հեղինակ է, ավելի քան 60 գիտական հոդվածների և 9 մեթոդական հանձնարարականների հեղինակ:
Հասարակական, քաղաքական գործունեություն
1996թ.-ից - «Երևան-Քեմբրիջ քույր քաղաքների ասոցիացիայի» առողջապահության և պրոֆիլակտիկայի բաժնի ղեկավար,
1998թ.-ից - զանազան բարեգործական ակցիաների համահեղինակ և մասնակից։
Newsbook.am
Մայիսի 1-ին՝ ժամը 15։00-ին, Հայելի ակումբի հյուրն է Զարուհի Փոստանջյանը
Մայիսի 1-ին՝ ժամը 14։00-ին, Հայելի ակումբի հյուրն է Հրանտ Միքայելյանը
Ապրիլի 30-ին՝ ժամը 11։00-ին, Հայելի ակումբի հյուրն է Վոլոդյա Հովհաննիսյանը
Ապրիլի 30-ին՝ ժամը 12։00-ին, Հայելի ակումբի հյուրն է Ձյունիկ Աղաջանյանը
Ապրիլի 30-ին՝ ժամը 15։00-ին, Հայելի ակումբի հյուրն է Աննա Այվազյանը
Ապրիլի 30-ին՝ ժամը 14։00-ին, Հայելի ակումբի հյուրն է Ռուբեն Հակոբյանը
Ապրիլի 29-ին՝ ժամը 12։00-ին, Հայելի ակումբի հյուրն է Ալբերտ Բազեյանը
Ապրիլի 29-ին՝ ժամը 16։30-ին, Հայելի ակումբի հյուրն է Նաիրա Գևորգյանը
Ապրիլի 29-ին՝ ժամը 15։30-ին, Հայելի ակումբի հյուրն է Արմենուհի Կյուրեղյանը
Ապրիլի 29-ին՝ ժամը 13։30-ին, Հայելի ակումբի հյուրն է Արմինե Ադիբեկյանը
Հետևեք մեզ Viber-ում
