Պայքար գիգատների դեմ Արմավիրում․ով ով է
Կուսակցություններից ոչ բոլորն են հրապարակել տարածքային կամ ռեյտինգային անվանումը ստացած ցուցակները, սակայն լրատվական արտահոսքերից արդեն կարելի է պատկերացում կազմել, թե որ ընտրատարածքում պայքարն ինչպիսին է լինելու, ովքեր են առաջադրվելու, ովքեր լինելու ֆավորիտները, ում կողմն է լինելու առավելությունը, մի խոսքով՝ ներկայացնենք թեկնածուներին ով ով է։ Նախ նշենք, որ մեծամասնականից ռեյտինգային ընտրակարգը տարբերվում է թեկնածուների առատությամբ։ Մրցակցելու են ոչ միայն հակառակորդ թիմի թեկնածուները այլեւ թիմակիցները։ Տարածքային ցուցակներում նվազագույն հինգ թեկնածու կընդգրկցի։ Առաջինը կդիտարկենք Արմավիրի մարզը, ՀՀԿ-ն այստեղ ամբողջովին իր ափսեում է, իր իսկական դեմքով՝ գեներալներ, մականունավորներ, քրեական տարրեր։Ըստ այդմ, իշխող ՀՀԿ-ի ցուցակում Արմավիրի մարզում առաջադրվելու է գեներալ Սեյրան Սարոյանը. այս անգամ էլ մյուս գեներալ-պատգամավոր Մանվել Գրիգորյանը համամասնական ցուցակում է: Նշենք, որ Սեյրան Սարոյանը նախորդ ընտրությունների ժամանակ խորհրդարան է անցել մեծամասնական համակարգով` հավաքելով մոտ 26 ձայն: Մենք այս գեներալի մասին բազմիցս ենք գրել, որ շնորհիվ իր խորամանկության կարողանում է բոլորի մոտ լավամարդ խաղալ։ Օրենսդրական զրո գործունեություն, երկու զավեշտալի, բոց ելույթ խորհրդարանի ամբիոնից, երկու դեպքում էլ քծնելունն էր առիթը, առաջինը ՝Սերժ Սարգսյանին, որի իշխանության ներկայացուցիչները ծեծի էին ենթարկել ՀԱԿ պատգամավոր Արամ Մանուկյանին, երկրորդը՝ Պաշտպանության նախարար Վիգեն Սարգսյանին՝ 1000 դրամների նախագծի ժամանակ։ Այստեղ է նաեւ Շմայսը, նախորդ ընտրությունների ժամանակ Առաքել Մովսիսյանը եղել էր ՀՀԿ-ի համամասնական ցուցակում, սակայն այս անգամ որոշում է կայացվել, որ նա իր ուժերը պետք է փորձի և առաջադրվի ռեյնտինգային ընտրակարգով: Բայց նախապես բաժանված են պայքարի տարածքները: Առաքել Մովսիսյանը կաշատի Թաիրովի ու մի քանի բնակավայեր շրջանում: Իսկ նույն ընտրատարածքում առաջադրվող ԱԺ պատգամավոր Հրանտ Գրիգորյանը՝ իր նախկին ընտրատարածքի հատվածում՝ Էջմիածնի մի քանի գյուղերում, Մեծամոր քաղաքում: Հավելենք, որ Հրանտ Գրիգորյանը Մանվել Գրիգորյանը եղբորորդին է, որը ավանդաբար պատգամավոր է դարձել մեծաասնական ընտրակարգով: Դե, իսկ Նովոյին՝ Նահապետ Գևորգյանին դուրս թողնել հնարավոր չէր, ցուցակում անգամ կլինի Ալեքսան Պետրոսյանը՝ ՄԱՊ-ի Ալիկը, ով նախորդ ընտրությունների ժամանակ կրկին մեծամասնական ընտրակարգով էր առաջադրվել: Քրեաօլիգարխիկ կլանների այս ներկապնակում «Ծառուկյան» դաշինքի ռեյտինգային թեկնածուները կարեկցանքի են արժանի։ ԲՀԿ ռեյտինգային ցուցակով Արմավիրի մարզում կառաջադրվեն պատգամավորներ Հրանտ Դավթյանն ու Արայիկ Աղաբաբյանը: Նրանք երկուսն էլ պատգամավորական ակտիվությամբ երբեւէ աչքի չեն ընկել, Դավթյանը վերջերս հայտնի դարձավ «գայիշնիկների» հետ միջադեպի արդյունքում, նա հայհոյել էր ավտոտեսուչին։Թեկնածուների մեջ են նաեւ ՀՀԿ-ական նախկին պատգամավոր Հակոբ Հակոբյանը՝ Ճոյտը։ Իսկ մյուս կուսակցությունների թեկնածուների համար սա պայքար է լինելու հողմաղացների դեմ։ ՀԱԿ-ից կառաջադրվի Սեդրակ Հովհաննիսյանը, ով նախկինում մարզպետ է եղել, ՀԺԿ-ից Աշոտ Շարիշյանը, ով ազգային փոքրամասնության ներկայացուցիչ է, ներկայացնում է եզդիական համայնքը: Հայկական վերածնունդ կուսակցության դեպքում եւս հայտնի անուններ չկան։ Ազատ դեմոկրատների խոսնակը նույնպես կառաջադրվի այդ մարզում։ Անի Սահակյան