Նրանք տեղ չունեն,ով ինչի համար
Հաջորդ ԱԺ-ից դուրս կմնան ինչպես ՀՀԿ-ական պատգամավորներ, այլեւ այլ կուսակցությունների ներկայացուցիչնեչ: Ստորեւ ներկայացնում ենք ցանկը ԱԺ‐ի ՀԱԿ, ՀՅԴ, Ժառանգություն, Օրինաց երկիր խմբակցությունների գործող պատգամավորների, որոնք նույնպես ընդգրկված չեն 2017 թվականի ԱԺ ընտրություններին մասնակցող քաղաքական ուժերի ցուցակներում: Ալեքսանդր Արզումանյան- նախկին արտգործնախարար, նախկին ՀՀՇ-ական: Համաժողովրդական շարժման օրերին սկսվեց Արզումանյանի քաղաքական ակտիվ շրջանը, նա առաջին նախագահի կողքին էր, նախագահական ընտրություններին Տեր-Պետրոսյանի նախընտրական շտաբի պատասխանատուն: Հետո Մարտի 1-ի գործով հայտնվեց անազատության մեջ, կալանքից հետո նա խզեց կապերը արդեն ձեւավորված ՀԱԿ-ի հետ: 2012-ի խորհրդարանական ընտրություններին համալրեց նորաստեղծ Ազատ դեմոկրատներ կուսակցությունը, սակայն այստեղ էլ երկար լեզու չգտավ, խորհրդարան անցնելուց հետո նա որոշ ժամանակ անց լքեց ԱԴ-ն: Հետո հայտնվեց վերածնված ՀՀՇ-ում, շաբաթներ առաջ այս կուսակցությունից էլ հեռացավ Արարատ Զուրաբյանի որոշման պատճառով, վերջինս Ծառուկյան դաշինքով կմասնակցի ընտրություններին, ինչը Արզումանյանի համար անընդունելի է: Փաստ է, որ Արզումանյանը համապատասխան հանգրվան չգտավ, հիմա էլ խոսվում է, որ դեսպանական աշխատանքի կանցնի, սակայն այդ խուսակցությունները հնարավոր է խոսակցությունների մակարդակում մնան: Գրիգորի Մարգարյան՝Բելաջիոյի Գրիշ-Խորհդարանի ունիվերսալ երեսփոխանը: 2003-ին խորհրդարանում ներկայացված էր որպես Արթուր Բաղդասարյանի կուսակից: «Օրինաց երկրից» դուրս գալուց հետո Մարգարյանը թեև չանդամակցեց որևէ այլ կուսակցության, սակայն 2007-ի խորհրդարանական ընտրություններում ԱԺ գործուղվեց ՀՀԿ համամասնական ցուցակով: 2012-ին գործարար Մարգարյանի ԱԺ անցնելու գործը դրվել ԲՀԿ-ի վրա, ԲՀԿ համամասնական ցուցակի 73-րդն էր: Մարգարյանը ինչքան ակտիվ էր ճամբարափոխության հարցում, այնքան պասիվ խորհրդարանում: Օրերս լուրեր տարածվեցին, որ նա ընտանյոք հանդերձ արտագաղթել է ԱՄՆ: Ռուբիկ Հակոբյան-Հայաստանի նորագույն պառլամենտի թերեւս ամենատխրահռչակ պատգամավորը, այն եզակին, որը հարվածեց լրագրողի, նա ավելի վատ գտնվեց, քան ՀՀԿ գործընկերները, որոնք բավարարվում են սպառնալիքների բանավոր մակարդակում: Միայն այս փաստը բավական էր նրան որեւէ ցուցակում չտեղավորելու համար, չնայած գրեթե բոլոր տեղերում, որտեղ եղել է Հակոբյանը, ավերակներ են գոյացել: Օրինակ Ժառանգությունը քանդելու գործում Հակոբյանը առանցքային դերակատար էր: Թեւան Պողոսյան-Խորհրդարանի ամենապատրաստված ու պատրաստակամ պատգամավորներից մեկը, որը մանդատ էր ստացել Ժառանգություն-Ազատ դեմոկրատներ դաշինքի ցուցակում ընդգրկվելու արդյունքում: Ճիշտ է անկուսակցական պատգամավորը երբեւէ ռադիկալ ընդդիմադիրի կարգավիճակից չի ներկայացել, բայց կառուցողական դաշտում միշտ էլ փայլել է: Հաջորդ խորհրդարանում չլինելու որոշումը անձամբ իրենն է: Զարուհի Փոստանջյան-Հայաստանի ընդդիմադիր դաշտի ամենահեղինակավոր, ամենասկանդալային, ամենաանկանխատեսելի պատգամավորներից մեկը, որը օրերս լքեց Ժառանգություն կուսակցությունը, պատճառը Րաֆֆի Հովհաննիսյանի՝ Օհանյան-Օսկանյան դաշինքին միանալու որոշումն էր, որի հետ համաձայն չէր Փոստանջյանը: Նա մինչեւ վերջին պահը պայքարեց, հույս ուներ Րաֆֆին կընտրեր իրեն, կպաշտպաներ իր որոշումը այդ ընթացքում նա մերժեց գրեթե բոլոր ընդդիմադիր ուժերի կողմից առաջարկները, նա ամենապահանջարկվածն է ու բոլորը ցանկանում էին համագործակցել, միայն Րաֆֆի Հովհաննիսյանը չգնահատեց թիմակցին: Լյուդմիլա Սարգսյան- ՀԱԿ խմբակցության անդամ, Վերակազմյալ սոցիալ‐դեմոկրատ հնչակյան կուսակցության ատենապետ Լյուդմիլա Սարգսյանը որեւէ կուսակցության կամ դաշինքի ցուցակով չի մասնակցելու ապրիլյան ընտրություններին: Նա հայտնվեց համաժողովրդական շարժման կենտրոնում եւ ակամայից հայտնվեց խորհրդարանում: Հընթացս էլ տիկին Սարգսյանը կարծես ճիշտ կողմնորոշում ուներ, թեքվել էր ԲՀԿ-ի կողմը, երբ ՀԱԿ-ը թուլացել ու կորցրել էր շանսերը, բայց ինչ որ բան կխանգարեց Ծառուկյան դաշինքում նրա հայտննվելու համար: Դավիթ Քոչարյանը ԲՀԿ-ական էր, այն լքեց Ծառուկյանի քաղաքականությունից հեռանալուց հետո: Քոչարյանը երեւի թե հոգնել էր ԱԺ-ից, վերջինն էլ՝ իրենից: Նա 2014-ին մանդատը վայր դնելու որոշում կայացրեց, հետո փոշմանեց: Անի Սահակյան