Վիգեն Սարգսյանը մեկնաբանում է բանակում այսօր մահացած զինվորի դեպքը

Արդեն տեղեկացրել ենք,որ Երրորդ կայազորային քննչական բաժնում քննություն է տարվում՝ պարզելու պայմանագրային զինծառայող Գոռ Ֆրունզիկի Խուդինյանի մահվան հանգամանքները: ՀՀ Քննչական կոմիտեից  հայտնում են, որ 2017թ. փետրվարի 23-ին՝ ժամը 00:45-ի սահմաններում, N զորամասի պահպանության շրջանի մարտական դիրքում, հակառակորդի կրակը ճնշելու նպատակով գնդացրով պատասխան կրակ վարելու ժամանակ, ըստ նախնական տվյալների, փամփուշտը փողում պայթելու պատճառով, մահացու բեկորային վիրավորում է ստացել պայմանագրային զինծառայող Գոռ Ֆրունզիկի Խուդինյանը: Դեպքի առթիվ երրորդ կայազորային քննչական բաժնում հարուցվել է քրեական գործ՝ ՀՀ քրեական օրենսգրքի 376-րդ հոդվածի 2-րդ մասով (անփույթ վերաբերմունքը ծառայության նկատմամբ, եթե անզգուշությամբ առաջացրել է ծանր հետեւանքներ): Կատարվում է նախաքննություն: Ձեռնարկվում են անհրաժեշտ քննչական գործողություններ՝ դեպքի բազմակողմանի, լրիվ եւ օբյեկտիվ հետազոտումն ապահովելու ուղղությամբ: Քննչական կոմիտեի տարածած հաղորդագրության համաձայն, մահացել է մեր իսկ զենքից, ինչ է, Սերժ Սարգսյանի 80-ականների զենքն իրականությո՞ւն է արդեն, մենք մեր զենքի՞ց  ենք մեր զինվորին կրակում.Երևանի պետական բժշկական համալսարանում լրագրողները նման հարց ուղղեցին պաշտպանության նախարար Վիգեն Սարգսյանին,ինչին ի պատասխան նա ասաց  , որ դա սուբյեկտիվ մոտեցում է. «Փորձում եք թելադրել.դեպքը գտնվում է քննության փուլում եւ քննության արդյունքները, իհարկե, բոլորին հասու կլինեն: Փամփուշտ է պայթել գնդացիրի մեջ:Ցանկացած զենքի հետ միջադեպեր կարող են լինել՝ զենքի օգտագործման կանոններից սկսած մինչեւ զենքի սարքին կամ անսարք լինելը: Իհարկե, դրա համար կա Քննչական մարմին, որ հասկանա: Ինչ վերաբերում է 80-ականների զենքին, մենք մանրամասն դրան պատասխանել ենք նաեւ զորահանդեսի ժամանակ»: