Արագածոտնի մարզում ՌԴ քաղաքացին Skania մակնիշի բետնատարով վթարի է ենթարկվել

Այսօր՝ փետրվարի 23-ին, ավտովթար է տեղի ունեցել Արագածոտնի մարզում: Ժամը 16:30-ի սահմաններում Արագածավան-Գետափ ավտոճանապարհի 3-րդ կմ հատվածում ՌԴ քաղաքացի, 36-ամյա Ալեքսանդր Յուլմյանը վարելով Skania մակնիշի T535 EC/163 համարանիշի ավտոմեքենան, դուրս է եկել ճանապարհի երթևեկելի գոտոց և հայտնվել դաշտամիջյան հատվածում: Ինչպես հայտնում է ֆոտոլրագրող Գագիկ Շամշյանը, վթարի հետևանքով վարորդը մարմնական վնասվածքներով տեղափոխվել է Գյումրիի բժշկական կենտրոն: Դեպքի վայրում հավաքվածները ասել են, որ վիրավորին հիվանդանոց է ուղեկցել ճանապարհային ոստիկանության 2-րդ սպայական գումատակի 2-րդ վաշտի հրամանատար Գագիկ Վարդանյանը: Դեպքի վայր են ժամանել ճանապարհային ոստիկանության 2-րդ սպայական գումարտակի 2-րդ վաշտի 1-ին դասակի աշխատակիցները՝ տեսուչ Հարություն խաչատրյանի գլխավորությամբ: Վթարի մասին ՃՈ օպերատիվ կառավարման կենտրոնի պատախանատու հերթապահ Արմեն Հարությունյանը տեղեկութունը փոխանցել է ոստիկանության Թալինի բաժին, որտեղից ժամանել է օպերատիվ խումբը: Փաստի առթիվ ՃՈ հետաքննիչի կողմից նյութեր են նախապատրաստվում: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: