Նախարարը զինգրքույկներում մարտական գործողություններին մասնակցության նշումները ջնջելու մասին
ՀՀ պաշտպանության նախարար Վիգեն Սարգսյանն այսօր տեղեկացրեց, որ Պաշտպանության նախարարության մասնագետներն անուն առ անուն գրանցելով յուրաքանչյուր դեպք, ուսումնասիրում են զինգրքույկներում մարտական գործողություններին մասնակցության մասին նշումները ջնջելու դեպքերը: «Մենք ունենք արդյունավետ աշխատող թեժ գիծ՝ 1-28, որը օրական մինչեւ 150 զանգ է ստանում: Այդ թեժ գծում հատուկ այդ թեմայով կան զբաղվող մասնագետներ, որոնք անուն առ անուն գրանցելով յուրաքանչյուր դեպք, փորձում են ուսումնասիրել: Կան զինծառայողներ, որոնք իրականում եղել են մասնակից, բայց իրենց մոտ սխալմամբ համապատասխան նշում չի կատարվել»,-ասաց նա: Նախարարի խոսքով, մոտ 200 նման դեպքերի ուսումնասիրությամբ հայտնաբերվել է 4-5 դեպք, երբ անհրաժեշտություն է եղել ուղղում կատարել: «Եղել են դեպքեր, երբ ուղղակի վրիպել են ու չեն նշել: Այ այդ բոլորը ուղղվում է: Մենք չենք խոսում այնպիսի թվի մասին, որը հատ-հատ հնարավոր չէ նայել: Մեծ խնդիր դրա մեջ չենք տեսնում»,- հավելեց նա:
Հետևեք մեզ Viber-ում
