Սումգայիթի ջարդերն ակնհայտ քաղաքականության դրսևորում էին
«Սումգայիթի ջարդերի հավաքագրված բացառիկ արխիվը՝ փաստերով ապացուցված, ակնհայտ հուշում է, որ դա քաղաքականության դրսևորում էր: Սումգայիթի քաղաքականությունը մտածվել, կազմակերպվել և իրականացվել է Ադրբեջանի պետանվտանգության կոմիտեի կողմից, իսկ Սովետական միության պետանվտանգության կոմիտեն ընդամենը լուռ համաձայնություն է տվել, այսինքն՝ աջակցել է այդ հանցագործությանը»,- Սումգայիթի եռօրյա ջարդերի 29-րդ տարելիցին հրավիրված ասուլիսին ասաց «Սովորական ցեղասպանություն» նախագծի ղեկավար Մարինա Գրիգորյանը: Սումգայիթի ջարդերը սկսվել են 88թ-ի փետրվարի 27-ին, և տևել երեք անընդմեջ օր Սումգայիթ քաղաքում, որը Բաքվից 25կմ վրա է, տանջամահ են արել, սպանել, այրել, բռնաբարել, կողոպտել հայերին։ Եվ այս ընթացքում ո՛չ ադրբեջանական, ո՛չ էլ սովետական զորքերը չէին փորձում կանգնեցնել: Միայն երրորդ օրը՝ 29-ին զորք է մտցվել, այն էլ՝ դատարկ փամփուշտներով: Պաշտոնապես հաստատվել է, որ 27 հայ է սպանվել, 100-ը վիրավորել, 200 հայկական բնակավայրեր են ջախջախվել,ասաց նա: «Իհարկե, այս տվյալները հեռու են իրականությունից: Մենք գործ ունենք փաստագրված թեմայի հետ, կան բազմաթիվ տեսագրություններ, քրեական գործեր են նաև հարուցվել, նույնիսկ դատական գործեր են անցել, իհարկե դատապարտվածները մի քանի ամիս հետո ազատ են արձակվել»,-հավելեց բանախոսը:
Հետևեք մեզ Viber-ում
