Վաղ է կանխատեսումներ անել. Սուրեն Կարայան
ՀՀ կառավարության նիստից հետո լրագրողների հետ զրույցում ՀՀ տնտեսական զարգացման և ներդրումների նախարար Սուրեն Կարայանը ասաց, թե Կառավարությունը կկարողանա այս տարի ապահովել պետական բյուջեի հիմքում դրված 3.2 տոկոս տնտեսական աճը:Կարայանը նշեց, որ վիճակագրական ծառայության կողմից նախնական ցուցանիշները հրապարակվել են, ինչը շատ ոգևորիչ են, որովհետև նախորդ տարվա հունվարի համեմատ արձանագրել են 35 տոկոս արտահանման աճ:«Առնվազն այն 3.2 տոկոսը, որ մենք պետական բյուջեի հիմքում դրել ենք, կապահովվի, բայց տնտեսական աճի վրա ազդեցության գործոնները շատ են, այդ թվում՝ գյուղատնտեսության ոլորտը, շինարարության ոլորտը, իսկ գյուղատնտեսության ոլորտը, ինչպես գիտեք, կախված է բնակլիմայական պայմաններից ևս»,- ասաց Կարայանը: Նախարարը հայտնեց, որ այս տարվա հունվարին արձանագրվել է 35 տոկոս արտահանման աճ, սակայն վաղ է կանխատեսումներ անելը:
Հետևեք մեզ Viber-ում
