«Հա, հանում ենք, պարոն վարչապետ». վարչապետը համոզեց
Ոստիկանության պետի տեղակալ Վարդան Եղիազարյանը կառավարության հաստատմանը ներկայացրեց Ճանապարհային ոստիկանության համակարգի բարեփոխումների հայեցակարգին հավանություն տալու եւ դրանից բխող միջոցառումների իրականացման ժամանակացույցը հաստատելու մասին նախագիծը: Վարչապետը խնդրեց ավելի մանրամասն ներկայացնել, թե քաղաքացիների համար կոնկրետ ինչ է փոխվելու: «Նախ բավական դյուրինացնում ենք էն բոլոր փողոցային երթեւեկության կանոնները, որտեղ դա հնարավոր է իրականացնել, տրանսպորտային հոսքերն ենք ավելի հստակ վերահսկում: Վարչական բեռի թեթեւացման հարցում էլ նախկին տուգանքների վրա, երբ 50 տոկոս տույժի ավելացում կար, դա նվազեցվում է երկու անգամ՝ 25 տոկոս է դառնում»,- պարզաբանեց Վարդան Եղիազարյանը: «Նվազեցնո՞ւմ ենք, թե՞ հանում ենք»,- հարցրեց վարչապետը: Վարդան Եղիազարյանը կրկնեց, որ նվազեցնում են: Վարչապետը պնդեց, որ քաղաքացիներն հետաքրքրում է հենց այն, որ տույժերը հանվում են. «Հիմա նվազեցնո՞ւմ եք, թե՞ հանում եք»: Վարդան Եղիազարյանը մի քանի վայրկյան լռելուց հետո ասաց. «Հա, հանում ենք, պարոն վարչապետ»: «Ոնց որ սրտով չեք հանում, ոնց որ զոռով եք բերել էս նախագիծը»,- ասաց Կարեն Կարապետյան:
Հետևեք մեզ Viber-ում
