Ինչ են գծագրել Միհրան Պողոսյանն ու Գագիկ Բեգլարյանը համատեղ
Թեպետ ԴԱՀԿ նախկին պետ, ՀՀԿ ռեյտինգային ցուցակով Քանաքեռ Զեյթուն, Ավան համայնքներն ընդգրկող ընտրատարածքում պատգամավորության թեկնածու առաջադրված Միհրան Պողոսյանը կատաղի ընտրապայքար է մղում Երեւանի քաղաքապետ Տարոն Մարգարյանի աներորդու՝ Ռոբերտ Սարգսյանի դեմ, սակայն մեր տեղեկություններով նա խորհրդարան անցնելու ցանկություն չունի, նեղ շրջապատում հայտարարել է, որ ընտրություններից հետո այլ պաշտոնի է անցնելու, թե ինչ պաշտոնի, կպարզվի ապագայում։ Սակայն մեր տեղեկություններով Պողոսյանի «կոտորածը» հստակ նպատակ է հետապնդում, ինչպես հայտնի է նա Գագիկ Բեգլարյանի «քիփն» է եւ խորհրդարանի ընտրությունները երկուսով իբրեւ նախերգանք են դիտարկում քաղաքապետի ընտրություններին, որը տեղի կունենա այս տարվա մայիսին։ Պարզվում է Գագիկ Բեգլարյանը դեռեւս հույս ունի, որ կստանա իր երազած պաշտոնը, թեպետ Սերժ Սարգսյանից հստակ խոստում չի ստացել եւ առանձնապես նախանձելի վիճակում չէ, ինչ որ պահից փորձ էր անում խաղեր տալ, բայց ճանապարհի կեսից կանգ է առել ու այս ընտրություններին էլ նա եւ Միհրան Պողոսյանը փորձելու են ապացուցել, որ Երեւանի «տերն» իրենք են։
Հետևեք մեզ Viber-ում
