Ես չէի կարող լինել ՀԱԿ–ում 7–րդ համարը. Բագրատյան

ՀԱԿ խմբակցության պատգամավոր, նախկին վարչապետ Հրանտ Բագրատյանն այսօր Հայելի ակումբում լրագրողների հետ հանդիպման ժամանակ հայտարարել է, թե դիմել է վեց կուսակցությունների՝ դաշինք կազմելու համար, սակայն չի ստացվել։ ՀԱԿ-ում իրեն առաջարկել են լինել 7–րդ հորիզոնականում, ինչին դեմ է եղել: «Կներեք, բայց ես չէի կարող  լինել ՀԱԿ–ում, օրինակ, 7–րդ համարը։  Բացի առաջին նախագահից, մյուս 5 հոգուն չեմ տեսնում, որ ինձանից բարձր են։ Կամ պիտի վիճակահանություն լինի, կամ ինչ–որ մեխանիզմ»,–նշեց նա: Նա կուսակցություններին ներկայացրել է իր առաջարկները, փորձել համագործակցել, սակայն ի պատասխան առաջարկ ստացել՝ երեք հոգու դիմաց ընդունել մեկին: «2016–ի փետրվարին դիմել եմ վեց կուսակցության, ասել եմ՝ եկեք վիճակահանություն անենք, 100 հազար դոլար դնենք, որ չգնանք իշխանությունից փող խնդրելու, բոլորի հետ հանդիպել եմ եւ ՀԱԿ նախագահ Լեւոն Տեր–Պետորսյանի եւ Լեւոն Զուրաբյանի, «Ժառանգության» Րաֆֆի Հովյաննիսյանի ու Արմեն Մարտիրոսյան, սակայնվերջիններս մինչ էսօր չեն պատասխանել։ Չեմ պատկերացնում, որ էդքան մեծ բան են ներկայացնում, որ նախկին վարչապետին չպատասխանեն։ Նիկոլին եմ դիմել մի քանի անգամ, սկզբից ասել է՝ «Քաղաքացիական պայմանագրով» ենք գնում, Սասուն Միքայելյանը համագումարից հետո հրավիրեց, խոսեցինք, մինչեւ նոյեմբերի 23–ը չպատասխանեցին, եւ ասեցի՝ ուշ ա,  ես ինձ վարչապետ եմ տեսնում»,–ասաց Հրանտ Բագրատյանը։