«Մեկին ցույց են տալիս, մյուսին՝ ընտրում». ՀՀԿ՝ «Խաթաբալան»
ԱԺ նախկին պատգամավոր, նշված դաշինքի համակիր Ազատ Արշակյանը այսօր Հայելի ակումբում լրագրողների հետ զրույցում ասաց, որ համակրում է «Օհանյան-Րաֆֆի-Օսկանյան» դաշինքը, որը «ժառանգության» շնորհիվ տեղ կունենա Հայաստանի Ազգային ժողովում:«Դաշինքի ներսում նրանք, ովքեր տարաձայնություններ են ունեցել, արդեն դուրս են եկել դաշինքից: Կարծում եմ՝ Սեյրան Օհանյանին սատարող զինվոր-կամավորականները հզոր ուժ են, որը լուրջ ազդեցություն կունենա ընտրությունների ժամանակ»,-նշեց Ազատ Արշակյանը: Անդրադառնալով «Ազատ դեմոկրատներ» կուսակցությանը՝ նշեց, որ ցուցակում, բացի կուսակցության անդամներից, ընդգրկված են անձինք, որոնք բոլորը միասին ունեն մեկ հստակ տեսլական՝ Հայաստանը որպես ինքնիշխան պետություն՝ դեպի եվրոպական պետությունների ընտանիք գնացող: ՀՀԿ ցուցակն էլ Ազատ Արշակյանը համեմատեց հին հայկական ֆիլմի՝ «Խաթաբալայի» հետ. «Մեկին ցույց են տալիս, մյուսին՝ ընտրում: Նոր դեմքերից, օրինակ՝ Վիգեն Սարգսյանը, ներկայանալի են, բայց մենք գիտենք, որ նա հեռանալու է, գնալու է իր պաշտոնին, իսկ նրա փոխարեն թփերի տակ թաքնված որևէ քրեաօլիգարխիկ պարտիզան կգա առաջ»: Սոնա Դավթյան
Հետևեք մեզ Viber-ում
