Իրանի հետ ոչ վիզային ռեժիմը կսահմանվի փետրվարի 15-ին

Sputnik լրատվական գործակալության փոխանցմամբ՝ Իրանի հետ ոչ վիզային ռեժիմը, որը վրացական կողմը ժամանակավորապես դադարեցրել է 2013 թվականի հուլիսի 1-ին, ամբողջովին կվերականգնվի փետրվարի 15-ին՝ հայտնել է Վրաստանի ԱԳՆ-ի մամլո ծառայությունը։ Դա հայտնի է դարձել Վրաստանի փոխարտգործնախարար Դավիթ Ջալագանիայի ու Վրաստանում Իրանի դեսպան Աբբաս Թալեբի-ֆարի հանդիպման ժամանակ։ Հանդիպման ժամանակ վրացական կողմը պաշտոնապես իրանցի դիվանագետին իրազեկել է Վրաստանի կառավարության որոշման մասին, որով 2016 թվականի փետրվարի 15-ից վերականգնվում է վիզային ռեժիմի երկկողմ չեղյալ հայտարարման մասին համաձայնագիրը։ Իրանի քաղաքացիները կկարողանան Վրաստանում առանց վիզայի գտնվել 45 օր՝ սկսած Վրաստան մուտք գործելուց։