Հին ու հոգնած, «քերթողահայրը» անդրդվելի է

Ինչպես եւ սպասվում էր Հայաստանի ընդդիմադիր ուժերը ոչնչով չտարբերվելով իշխող ՀՀԿ-ից ընտրություններին մասնակցելու իրենց ցուցակները հրապարակեցին վերջին օրը, որը ԿԸՀ-ն սահմանել էր թեկնածուների գրանցման ժամկետը։ Արդեն իսկ բացահայտված ցուցակներից կարելի է անգամ եզրակացնել, որ դրանք կազմվել են ավտորիտար ռեժիմով, ինչպես ՀՀԿ-ում։ Կուսակցության ղեկավարները դրանք կազմել են իրենց քիմքին ու ճաշակին հարմար ու առանձնապես մեծ էվոլուցիա տեղի չի ունեցել։ ՀԱԿ առաջնորդ, առաջին նախագահ Լեւոն Տեր-Պետրոսյանը իր տարիքին համահունչ ցուցակ է ներկայացրել, առաջին տասնյակում որեւէ երիտասարդ, թարմ ուժ տեղ չի գտել։Պատկերն այսպիսին է՝ 1.Լեւոն Տեր-Պետրոսյան 2․ Ստեփան Դեմիրճյան 3․ Լեւոն Զուրաբյան 4․ Զոյա Թադեւոսյան 5․ Արամ Մանուկյան 6․ Գագիկ Ջհանգիրյան 7․ Վահագն Խաչատրյան 8․ Լիդա Մելիքյան 9․ Դավիթ Մաթեւոսյան 10․ Ստեփան Մինասյան ։ Իսկ Լեւոն Զուրաբյանն էլ այքան իմիջիայլոց էր ներկայացնում կուսակցության ցուցակը, առանց «նշույ մը» էնտուզիազմի, ոգեւորության, որ մնում է ասել, թե մեզ վրա «հույս մի դրեք»։ Նկատի ունենալով մամուլի տեղեկությունները, ապա իսկապես, ՀԱԿ-ի հույսն էլ ոչ թե թեկնածուներն են, այլ Սերժ Սարգսյանը եւ այն «սպոնսերները»,որոնց նա հանձնարարականներ է իջեցրել ՀԱԿ-ի համար։ Վերջին շրջանում մամուլը գրում է, որ ՀԱԿ-ն անպայմանորեն ներկայացված է լինելու հաջորդ խորհրդարանում, քանի որ այդպիսին է Սերժ Սարգսյանի ցանկությունը։ Լեւոն Տեր-Պետրոսյանի հետ պայմանավորվածության արդյունքում ԼՂ խնդրի վերաբերյալ առաջին նախագահի հանրահայտ ելույթից հետո Սերժ Սարգսյանը կայացրել է նման որոշում, որպեսզի ապագայում արտաքին քաղաքականության հարցում հզոր գործընկեր ունենա՝ ի դեմս արմատական ՀԱԿ-ի։ Իսկ Հայկական վերածնունդի փոխված Օրինաց երկրի ցուցակը «դեժավյու» է առաջացնում, ոչ մի վերածնունդ։ Ցուցակը կգլխավորի Արթուր Բաղդասարյանը, կհաջորդեն Մհեր Շահգելդյանը, Հեղինե Բիշարյանը, Հովհաննես Մարգարյանը, Իշխան Խաչատրյանը,միայն վեցերորդում է նոր շունչ զգացվում, այստեղ ՀՎԿ լրատվականի պետ Էդգար Առաքելյանն է։ Արթուր Բաղդասարյանը պարծեցել է, թե ցուցակում ընդհանուր առմամբ 300 թեկնածու է ներառված, բայց սա արդեն տպավորիչ երևալու համար է, ընդամենը ոչինչ։ Մինչդեռ Բաղդասարյանի թիմակիցները թմբկահարում էին, թե իրենք մի մեծ դաշինք են, նախապես հայտարարում էր տասնյակ կուսակցությունների ու հարյուրից ավելի ՀԿ-ների միավորման մասին և դրանց առաջնորդներին յոթհարկանի խոստանումներ տալիս, այնինչ այսօրվա ցուցակով փաստում է, որ այդ բոլորն ընդամենը սին խոսքեր ու հավաստիացումներ էին, ՕԵԿ-ն ինքն է, իր հետ։ Իսկ այս պարագայում առնվազն զավեշտի է հասնում կուսակցության նախընտրական կարգախոսը։ ․ՀՎԿ համագումարում Արթուր Բաղդասարյանի`կաշին քերթելու եւ Հեղինե Բիշարյանի`աչքեր հանելու մասին հայտնի հայտարարությունները շատ շահարկվեցին սոցցանցերում, Արթուր Բաղդասարյանին անգամ «քերթողահայր» անվանեցին: Բաղդասարյանին հարց է ուղղվել`ո՞նց եք պատրաստվում մարդկանց կաշիները քերթել, եթե ծախվեն տեղերը: «Ես իմ կուսակիցների հետ եմ խոսել, այդ դահլիճում ինձ հարազատ մարդիկ են եղել, որոնց 99 տոկոսի հետ ես ճանապարհ եմ անցել»,- փորձել է անհաջող կերպով «տակից դուրս գալ» Արթուր Բաղդասարյանը, Հեղինե Բիշարյանի հարցում էլ խնդրել ներողամիտ լինել։ Անի Սահակյան