Հուսանք՝ երիտասարդները կմտնեն խորհրդարան

Հրապարակ օրաթերթը գրում է.Այս ընտրությունները տարբերվում են նախորդներից նրանով, որ գրեթե բոլոր կուսակցությունները փորձել են թարմացնել կուսակցության կադրային կազմը եւ երիտասարդների ներգրավել ցուցակներում։ Եթե դա նորմալ է նորաստեղծ կուսակցությունների եւ դաշինքների դեպքում, ապա այն կուսակցությունների, որոնք հին են, եւ որտեղ կենաց-մահու պայքար է գնում ցուցակում տեղերի համար, դա բավականին զարմանալի է եւ ողջունելի։ Այդպիսի երիտասարդացում կա ինչպես ՀԱԿ-ի, այնպես էլ «Հայկական վերածնունդի» ցուցակներում, որտեղ նոր եւ լայն հանրությանն անհայտ անուններ են հայտնվել։ Բավականին թվով երիտասարդներ կան նաեւ «Օհանյան-Րաֆֆի-Օսկանյան դաշինքում», «Ազատ դեմոկրատների» ցուցակում։ Հուսանք՝ սա շիրմա չէ, եւ երիտասարդները կմտնեն խորհրդարան։