Քարոզարշավին ակտիվ կմասնակցի,բայց հաջորդ ԱԺ-ում չի լինի
«Հաջորդ գումարման Ազգային ժողովում, ամենայն հավանականությամբ, չեմ լինի և դա իմ ցանկությունն է»,-մեզ հետ զրույցում ասաց Ազգային ժողովի «Հանրապետական» խմբակցության անդամ, ՄԻԱԿ ներկայացուցիչ Լևոն Մարտիրոսյանը և հավելեց,որ Հայաստանի Հանրապետության Նախագահ Սերժ Սարգսյանից ստացել է այլ պետական աշխատանքի անցնելու հրավեր, որը սիրով ընդունել է: Լևոն Մարտիրոսյանը հավելեց, որ ընդգրկված է ՀՀԿ համամասնական ցուցակում, սակայն խնդիրն այն է, որ նախապատվությունը, ըստ ամենայնի, տալու է այլ պետական աշխատանքին: «Հինգ տարիներն Ազգային ժողովում ինձ համար շատ կարևոր փորձառություն էին՝ հանուն պետության ու հայրենիքի աշխատանքի»,-ասաց Լևոն Մարտիրոսյանը: Լևոն Մարտիրոսյանը սակայն ակտիվ մասնակցություն կունենա ՀՀԿ քարոզարշավին:
Հետևեք մեզ Viber-ում
