Նոր մանրամասներ գյուղի արտաքնոցում ծննդաբերած կնոջ մասին

Շիրակի մարզի Ջաջուռ գյուղում արտակարգ դեպք է գրանցվել այսօր․ 30-ամյա հղի կինը զուգարանում ծննդաբերել է՝ ավելի ճիշտ վիժել։ «Դժբախտ պատահար է եղել, կինն իրեն վատ  է զգացել, գնացել է զուգարան, որը տնից հիսուն մետր է հեռու,  այնտեղ էլ վիժել է»,-Hayeli.am-ի հետ զրույցում ասաց գյուղապետ Սոկրատ Սուվարյանը։ Գյուղապետի խոսքով՝ կինը հղիությանը ութերորդ ամսում է եղել, եւ իր մոտ վիժում է սկսվել։ Սուվարյանն ասաց, որ գյուղում ամուսինները լավ ընտանիքի համբավ ունեն։ Սա կնոջ առաջին հղիությունը չէր․ընտանիքը երեք անչափահաս երեխա ունի։ Ինչպես տեղեկացանք Ախուրյանի ծննդատնից՝ ծննդկանն իրենց մոտ է տեղափոխվել, վերջինիս կյանքին վտանգ չի սպառնում․ «Մոտակա ժամանակահատվածում տուն կտեղափոխվի»,-ասացին ծննդատնից: Սեդա Ղուկասյան