Հարմարվող մի եղեք. վարչապետը՝ երիտասարդներին

«Ես բազմիցս եմ ասել՝ ակտիվ եղեք, ձեր կարծիքը հայտնեք, հարմարվող մի եղեք», - նման խորհուրդ տվեց վարչապետ Կարեն Կարապետյանը Երևանի պետական համալսարան այցի ժամանակ: «Ժուռնալիստներն, ինչպես միշտ, ակտիվ են:Բազմաթիվ տաղանդավոր մարդիկ կան, որոնցից մենք ահագին բան ունենք սովորելու։ Մենք չափազանց կարևորում ենք լրատվական դաշտը ու պատրաստ ենք համագործակցել, որպեսզի լրագրողական դաշտում լինի մասնագիտացում», - ասաց Կ. Կարապետյանը։ Վարչապետը շեշտեց՝ ինքը լրագրողների հետ շփման խիստ անհրաժեշտություն ունի։ Կարեն Կարապետյանը նշեց, որ, իրականում, կառավարությունը քննադատման, հուշման անհրաժեշտություն ունի.«Մենք բաց ենք այդ քննադատության առաջ, եթե այն ունի կիրառական արդյունք»: