Amnesty International -ը դատապարտում է Լապշինի արտահանձնումը

Միջազգային հեղինակավոր կազմակերպություն Amnesty International -ը անցած շաբաթավերջին տարածած հաղորդագրությամբ դատապարտել է բլոգեր Ալեքսանդր Լապշինի արտահանձնումը և պահանջել անհապաղ ազատ արձակել նրան: Հայտնի բլոգերին Ադրբեջանում սպառնում են խոշտանգումներ, վատ վերաբերմունք և անարդար դատավարություն, և համոզմունք է հայտնում, որ քրեական հետապնդումը նրա դեմ պետք է դադարեցվի,նշել է կազմակերպությունը: Նշելով, որ Լապշինը կալանավորվել է Բելառուսում անցած տարվա դեկտեմբերի 15-ին՝ Ադրբեջանի պահանջով, և որ նրա դեմ ադրբեջանական իշխանությունները գործ են հարուցել քրեական օրենսգրքի երկու հոդվածների հատկանիշներով՝ «պետության դեմ հրապարակային կոչեր» և «սահմանի ապօրինի հատում», 2011 և 2012 թվականներին Լեռնային Ղարաբաղ կատարած այցերի համար, իրավապաշտպան կազմակերպությունը նկատում է․ - «Amnesty International-ը տեղյակ չէ Լեռնային Ղարաբաղ առանց իրենց թույլտվության այցելելու համար անձանց դեմ ադրբեջանական իշխանությունների կողմից արված արտահանձնման դիմումների այլ դեպքերի: Այդուհանդերձ, կան բազմաթիվ անհատներ, որոնք այցելել են այդ տարածք առանց ադրբեջանական իշխանությունների թույլտվության և հայտնվել են Ադրբեջանի «սև ցուցակում»: Բլոգերի արտահանձնումը և նրան առաջադրված մեղադրանքները կապված են առաջին հերթին նրա հրապարակումների հետ,կարծում են այնտեղ;