Եթե Սեյրան Օհանյանը չի լիդերը, ուրեմն դաշինքի հետ անելիք չունենք.Ամարասի Արթուրի կազմակերպությունը զգուշացնում է

Վերջին օրերին Օհանյան-Օօսկանյան դաշինքում կայծակնային զարգացումներ տեղի ունեցան, մեկը մյուսի հետեւից դաշինքին միացած ուժերը հայտնեցին այն լքելու ու դրա մտադրության մասին: Օրեր առաջ ԱԻՄ առաջնորդ Պարույր Հայրիկյանը զգուշացրեց, որ ընտրացուցակների ձեւավորման առիթով առաջ եկած գզվռտոցը կարող է քանդել դաշինքը, եւ որ ինքն էլ հնարավոր է ամեն պահի հեռանա այդ դաշինքից: Իսկ երեկ ՀԴԿ առաջնորդ Արամ Սարգսյանը հայտարարեց չկայացած դաշինքը լքելու մասին: ՀԴԿ նախագահը նշեց, որ նրանք, ովքեր փորձում էին այդ դաշինքը ձևավորել՝ խախտեցին դաշինքային բոլոր սկզբունքները և հավելեց, որ պետք է ձևավորվեր խորհուրդ այն կուսակցությունների ներկայացուցիչներից, որոնք պետք է համաձայնեցված որոշումներ ընդունեին, սակայն՝ «Չեղավ այդպիսի բան, խորհուրդը պետք է քննարկեր, թե որ ծրագրով ենք առաջնորդվելու ու ինչ ենք ուզում անել երկրում, իսկ այդ ծրագիրն առ այսօր մշակված չէ», - հայտարարեց նա։ Արամ Սարգսյանի խոսքով՝ դաշինքում ամբողջովին կենտրոնացած էին ցուցակի կազմման հարցի վրա, թե ով ինչքան հնարավոր տեղեր կարող է ունենալ։ Օհանյանի գլխավորած դաշինքին իրենց աջակցության մասին է հայտարարել նաեւ Արթուր Ալեքսանյանի՝ Ամարասի Արթուրի Միասնական Արմենիա Հասարակական կազմակերպությունը: Կառույցի  անդամ Ազատ Արշակյանից հետաքրքրվեցինք՝ հնարավո՞ր է իրենք էլ կասեցնեն համագործակցությունը դաշինքի հետ: Ազատ Արշակյանը նախ հիշեցրեց, որ իրենց կազմակերպությունը մաս չի կազմում դաշինքին, իրենք ընդամենը աջակցություն են հայտնել Սեյրան Օհանյանին ու նրա ծրագրերին, վերջինս էլ փոխադարձ աջակցության մասին է պատրաստակամություն հայտնել.<<Մենք հավատարիմ ենք մնում մեր գործին: Ինչպես բոլոր քաղաքացիները, մենք էլ այդ ուժերի հայտարարություններին ծանոթանում ենք մամուլով, անձնական շփումներ չունենք հայտարարություն անողների հետ, որովհետեւ մենք դաշինքի մեջ չենք մտնում>>, -ասաց պարոն Արշակյանը: Նկատեցինք, որ ըստ տեղեկությունների՝ իրականում Սեյրան Օհանյանը չի համակարգում դաշինքի աշխատանքները, ինչպես ներկայացվում էր իսկզբանե եւ դաշինքի աշխատանքները ստանձնել են Արցախի բանակի նախկին հրամանատար Սամվել Բաբայանն ու Ռոբերտ Քոչարյանը: Արշակյանը կրկնեց, քանի որ իրենք դաշինք մաս չեն կազմում ու քաղաքական ներգրավվածություն չունենք, հետեւաբար մասին ոչինչ չեն հարցրել Սեյրան Օհանյանին.<<Մեր կազմակերպությունը շարունակում է վճռորոշ պաշտպանել Սեյրան Օհանյանին, եթե նա մնում է դաշինքում, մենք պաշտպանում ենք իրեն, դաշինքում իր արած գործը>>: Հետաքրքրվեցինք՝ հնարավոր է, որ Սեյրան Օհանյանն էլ լքի դաշինքը.<<Եթե Սեյրան Օհանյանը մի կողմ քաշվեց, ուրեմն մենք էլ մի կողմ կքաշվենք, մենք իր հետ ենք որպես մարտական ընկեր: Երբ Սեյրան Օհանյանին պաշտպանել ենք, հայտարարել ենք, որ մենք դեմ ենք քրեաֆեոդալական, քրեաոլիգարխիկ պետությանը, մենք կողմ ենք ռազմաքաղաքական պետությանը: Մեր կոնցեպցիան դա է, քանի որ <<Միացյալ Հայաստանի>> հիմնադիրներս նախկին զինվորականներ ու ազատամարտիկներ ենք , մենք ասում ենք, որ ՀՀ-ն պատերազմի մեջ է, այսինքն ռազմական վիճակում է, հետեւաբար իշխանությունը պետք է լինի քաղաքական, չպետք է լինի ֆեոդալական, քրեաօլիգարխիկ: Մենք հենց այդ պատճառով էլ աջակցություն հայտնեցինք Սեյրան Օհանյանի, որը մեր կարծիքով հենց այդ ֆիգուրն է, կարող է եւ ռազմական, եւ քաղաքական բաղադրիչն ապահովել: Մեր կոնցեպցիան է դա՝ դարձնել Հայաստանը ռազմաքաղաքական, նրա լիդերները լինեն նախկին զինվորականներ, կամ բանակին առնչություն ունեցող մարդիկ>>, ասաց Արշակյանը շարունակելով.<<Հենց այդ պատճառով ենք աջակցում Սեյրան Օհանյանին, եթե նա չլինի այդ դաշինքում լիդերը, ուրեմն մենք այնտեղ անելիքներ չունենք>>: Անի Սահակյան