Փախե՜ք, Հեղոն է գալիս
Այն, որ ՀՀԿ-ն ունի ունիկալ պատգամավորների մի ամբողջ հավաքածու, ոչ ոք դրանում չի կասկածում, նրանք միշտ անկեղծ են իրենց բնույթն ու էությունը ցուցադրելու գործում: Այն, որ ՀՀԿ-ականների մեջ կան եւ այնպիսիք, որոնք իրենց պահվածքով ու բառուբանով միշտ առանձացել են հոծ ամբոխից , ներկայացել տգիտության, վայրենության ուրույն փայլով , ու որ այսպիսինների վզից իրենց տերերը հանգիստ կարող էին ու պարտավոր էին կախ տալ մեծ տառերով գրված ցուցանակներ այս գրությամբ. «Այստեղ պահպանվում է եզակի ցեղատեսակի նմուշը: Չմոտենալ: Չկերակրել: Վտանգավոր է», դա էլ գիտենք բոլորս: Բայց որ այդ ցեղատեսակներից կան նաեւ իրենց ընդդիմություն հռչակած ու մեր բոլորիս կյանքը դրախտ դարձնելու խոստումների տակ կքած կուսակցություններում, սա էլ է այլեւս անհերքելի : Կարեն Դեմիրճյանի անվան մարզահամերգային համալիրում տեղի է ունեցել Հայկական վերածնունդ կուսակցության համագումարը: Կուսակցության նախագահ Արթուր Բաղդասարյանից հետո ելույթ է ունեցել նաեւ ԱԺ պատգամավոր Հեղինե Բիշարյանը՝ սպառնալիքների մի ողջ արսենալ ի ցույց դրել. «Ընդհանրապես դժվար է ուսուցչից հետո աշակերտը խոսի, իմ քաղաքական ուսուցիչը և առաջնորդը եղել և մնում է Արթուր Բաղդասարյանը: Ես ինքս՝ որպես մանկավարժ, դեռևս 15 տարի առաջ դասավանդել եմ դասարանում: Խոսելով Արթուր Բաղդասարյանի, Օրինաց երկրի մասին, գաղափարների և նպատակների մասին, խոնարհվում եմ այդպիսի կրթված մարդու առջև, նրա գաղափարների և ծրագրերի առջև:Կոշտուկների նման կփշրվեն այն մարդիկ, որոնք եկել են «Հայկական վերածննդի» պտուղներից ինչ-որ բան գողանալու, թույլ չենք տալու դա: «Հայկական վերածնունդն» իմ զավակն է, ես եմ նրա տերը: Թույլ չեմ տա որևէ մեկին ամեն օր կեղծող գարշահոտ ունեցող իրենց գաղափարներով և նպատակներով նախընտրական շրջանում պատվեր իջեցված ծրագրով խոսել «Հայկական վերածննդի» մասին, կոչնչացնեմ ես նրանց, ով ուզում է լինի, ես իմ մատներով կհանեմ նրանց աչքերը», -ասել է ՕԵԿ էգ առյուծը: Արթուր Բաղդասարյանը, հիրավի, մարդասիրական ու հայրենանվեր մեծ գործ է արել՝ Հեղինե Բիշարյանին կտրելով դպրոցից ու մատաղ սերդին ազատելով այս կարգի սարսափազդու ու գիշատիչ <<մանկավարժից>>, հիմա հերթը մերն է ասպարեզը մաքրելու ոչ միայն Հեղինե Բիշարյանից, այլ նրա նմաններից, որոնց պակաս քաղաքական ներկապնակում ամենեւին չկա: Օրինակ նույն աչք հանելու մասով տիկին Հեղինեն խախտել է ՀՀԿ-ական պատգամավոր Շուշան Պետրոսյանի հեղինակային իրավունքները, ով պաշտպանության նախկին նախարարի հասցեին ֆեյսբուքյան՝ իր ականջին ոչ հաճելի գրառումի համար բոլորովին վերջերս աչք հանելու անհագ ցանկություն էր արտահայտել:Ընդհանրապես, թեպետ ՀՀԿ-ն առաջինն է գիշատիչների ու մարդատյացների ներկայացվածությամբ, բայց դա չի արդարացնում մյուսների պարագան: Մեկ շաբաթ առաջ էլ Նաիրա Զոհրաբյանի մասին գրվեց, որ սպառնացել է գնդակահաարել <<խաղեր տվող>> կուսակցականներին , նա չէր էլ հերքել, որ մահապարտների գունդ է հավաքում ընտրությունները վերահսկելու համար: Եկեք ընտրություններից հինգ պակաս մանրամասն ու կրկին կարդանք եւ հիշենք, թե ինչ են ասել ու արել բոլորը : Ոչ թե նրանց հայհոյելու համար, այլ որոշելու, թե ինչ է պետք անել ապրիլի 2-ին:Չէ՞ որ հենց նրանք են հանձն առնում փոխել մեր կյանքը, երկիր կառավարել: Այլապես հետո Հեղոներից փախչելու ժամանակ գուցե էլ չլինի: Անի Սահակյան