«Այնպես իրեն կդնենք իր տեղը, որ իմանա». Ծառուկյան
Գագիկ Ծառուկյանը,ով ԲՀԿ կուսակցության 9-րդ համագումարում այսօր ընտրվեց կուսակցության նախագահ,իր ելույթում ի թիվս բազմաթիվ հարցերի,անդրադարձավ նաև այլ ուժերի հետ համագործակցությանը և ասաց,որ իրենք պատրաստ են ցանկացած ուժի ու գործչի, ընդհանրապես բոլորի հետ քննարկել ու միասնական իրագործել իրենց ծրագրերը: «Մեր թիմում չկա այդ մարդը, երկրում չկա, ուրեմն ամբողջ աշխարհում կա: Հարկավոր է փնտրել ու գտնել»: Անդրադառնալով քաղաքական դաշտում հնչող վիրավորանքներին՝ նշեց .«Որևէ մեկին վիրավորել չի կարելի: Վիրավորում է թույլ մարդը, որ ինքն իրենից բան չի ներկայացնում, իր նախանձից մյուսի հասցեին բան է ասում: Ուժեղ մարդը, հզոր մարդը, հարգված մարդը իրեն թույլ չի տա: Բայց եթե որևէ մեկը կփորձի ձեզ վիրավորել, ձեր պատիվը իմ պատիվն է, իմը՝ ձերը: Ուրեմն այնպես իրեն կդնենք իր տեղը, որ իմանա ինքը որտեղից է եկել և ինչի համար է եկել»: Ծառուկյանն իր կուսակիցներին հորդորեց հարգալից ու տեղը տեղին բանակցել ցանկացած ուժի հետ: «Մենք ասում ենք՝ պաշտոնի համար չենք պայքարում, գումարի համար չենք պայքարում: Ես իրոք իմ ժողովրդին շատ եմ սիրում, ոսկի մարդիկ եք, հյուրասեր մարդիկ եք», նշեց է նա:
Հետևեք մեզ Viber-ում
