Աշխարհը 10 տարի անց. Stratfor

Գործարար և տնտեսական ոլորտների վերլուծություններ իրականացնող Strategic Forecasting կամ Stratfor ընկերությունը հրապարակել է քաղաքական և տնտեսական զարգացումների իր տեսլականը, թե ինչպիսին կլինի աշխարհը 10 տարի անց: Հրապարակված զեկույցը ներկայացնում է Business Insider-ը:  1. Ռուսաստանը կփլուզվի։  Մոսկվան չի կարողանա պահպանել Ռուսաստանի Դաշնության ամբողջականությունը: Ըստ Stratfor-ի` նավթի գնանկումը, ռուբլի արժեզրկումն ու մեծացող ռազմական ծախսերն ու ներքին տարաձայնությունները  կթուլացնեն Ռուսաստանի դիրքերը` որպես խոշորագույն տնտեսության: Այն պաշտոնապես չի բաժանվի  տարբեր երկրների, բայց  դրանք կլինեն Մոսկվայից անկախ տարածաշրջաններ: 2. Գերմանիան խնդիրներ կունենա։ Գերմանիայի տնտեսությունը կախված է արտահանումից և եվրոյի ազատ շրջանառությունից ԵՄ-ի տարածքում, ինչը նշանակում է, որ երկիրը առավելագույն կորուստ կունենա եվրոյի ճգնաժամի պարագայում: 3. Լեհաստանը Եվրոպայի առաջնորդներից մեկը կլինի։  Լեհաստանը կհայտնվի տնտեսական աճի և քաղաքական մեծացող ազդեցության կենտրոնում: Այն նաև կլինի տնտեսապես ամենակայուն եվրոպական երկիրը` ՌԴ-ի հետ սահմանին: 4. Թուրքիան և ԱՄՆ-ն սերտ դաշնակիցներ կլինեն։ Մի շարք արաբական երկրներ անկման շեմին են, ինչը չի փոխվի առաջիկայում: Այս բոլորի ֆոնին ամենաշահեկանը Թուրքիայի դիրքն է, որը առավել կայուն  է և որի սահմանները ձգվում են Սև ծովից մինչև Սիրիա ու Իրաք: Այս առումով այն անփոխարինելի գործընկեր կլինի ԱՄՆ-ի համար: 5.  4 Եվրոպաներ գոյություն կունենան։ Եվրոպան անկասելի պատմական ուժ է թվում` քաղաքական և տնտեսական սահմաններով, սակայն երկրները կտարրալուծվեն` ըստ ազգայնականության և ռացիոնալիզմի գաղափարները կտարրալուծեն մայրցամաքի քաղաքականությունը: 6. Չինաստանը մեծ խնդրի առաջ կկանգնի։  Չինաստանը կկանգնի տնտեսական աճի դանդաղեցման առաջ, ինչը դժգոհություն կառաջացնի իշխող Կոմունիստական կուսակցության նկատմամբ: 7. Ճապոնիան կդառնա Ասիայի աճող ծովային հսկան։  Ճապոնիան, լինելով կղզի-պետություն, էլ ավելի կզարգացնի իր ռազմական նավատորմը, որն անհրաժեշտ է նաև Չինաստանի հետ վիճաբանական տարածքների շուրջ պայքարելու համար: 8. Չինաստանը  կվերածվի 16 փոքր Չինաստանների։ Տնտեսական և արտադրական աճի անկումը կբերի երկրի  բաժանմանը մի քանի պետությունների` 1.15 մլրդ ընդհանուր բնակչությամբ: 9. ԱՄՆ-ի իշխանությունը  կնվազի։  Աշխարհն առաջիկա 10 տարում էլ ավելի անկարգ և խնդիրներով լի կդառնա, այդ ամենի ֆոնին ԱՄՆ-ն առավել քիչ մարտահրավերների կպատասխանի և իր վրա չի վերցնի աշխարհի խնդիրները լուծողի դերը: