«Չի լինի ո՛չ Ղարաբաղ, ո՛չ Ադրբեջան,, կլինեն Երեւանի եւ Բաքվի գուբերնիաներ». Ժիրինովսկի/տեսանյութ/

Ռուսաստանի լիբերալ-դեմոկրատական կուսակցության առաջնորդ Վլադիմիր Ժիրինովսկին հարցազրույց է տվել «Царьград» հեռուստաալիքին:Զախար Պրիլեպինի «Чай с Захаром» հաղորդման շրջանակում խոսել է ռուս-ամերիկյան հարաբերությունների մասին: «Անհրաժեշտ է վերականգնել նախկին ԽՍՀՄ-ի սահմանները՝ Ռուսաստանի նախագահությամբ՝ հավելելով, թե բոլոր պետությունները «երազում են վերադառնալ»։ Հենց որ Ամերիկան նրանց թողնի իր ազդեցությունից դուրս, նրանք կխնդրեն։ Ի՞նչ ցույցեր։ Նրանք երազում են վերադառնալ։ Այնտեղ մեծ շերտավորում կա՝ հարուստների, աղքատների։ Խորհրդային Միության ժամանակ նրանք լավ էին ապրում։ Մենք մեծ առավելություն ունենք՝ խորհրդային կոմունիստները նրանց կերակրում էին և նրանք հիշում են, որ լավ են ապրել 25 տարի առաջ։ Այնտեղ աղքատություն չկար, հիմա համատարած աղքատություն է։ Մենք պարզապես կվերականգնենք սահմանները, մանավանդ որ դրանք անօրինական կերպով են խախտվել»,- հայտարարել է Ժիրինովսկին : «Իրերի նման դասավորության դեպքում կլուծվի նաև Լեռնային Ղարաբաղի հակամարտությունը։Ահա Ղարաբաղը, երբեք նրանք չեն լուծի Ղարաբաղի խնդիրը։ Կլինի Հայաստան-Ադրբեջան հավերժական պատերազմ»,- հայտարարում է քաղաքական գործիչը։ Հարցին, թե մինչև «մենք նրանք չվերցնենք», Ժիրինովսկին հավելում է, թե հենց «վերցնենք, չի լինի ո՛չ Ղարաբաղ, ոչ Ադրբեջան։ Կա Բաքվի նահանգ և Երևանի նահանգ, Թիֆլիսի նահանգ, Քութայիսի նահանգ, ինչպես ցարի ժամանակ։ Ահա և վերջ։