Ամենատարեց հայ օրենքով գողը/տեսաշար/

Ռուսական PrimeCrime.ru կայքը գրում է,որ իրավապահ մարմինների ունեցած տվյալներով՝ ներկայումս ողջ աշխարհում հաշվվում է 451 «օրենքով գող», որոնց մեծ մասը հետխորհրդային երկրների քաղաքացիներ են: «Օրենքով գողերից» 115-ը գտնվում էն անազատության մեջ, իսկ 12-ի նկատմամբ հայտարարված է հետախուզում: «Օրենքով գողերի» թվում գերակշռում են ազգությամբ վրացիները՝258 : Թվաքանակի առումով հաջորդը ռուսներն են՝ 53: Այդ դասկարգման աղյուսակում 3-րդը հայերն են: Ներկայումս ողջ աշխարհում կա 27 հայ «օրենքով գող», որոնցից ամենատարեցը՝ 80-ամյա Վանիկ Տեր-Պողոսյանն է (լուսանկարում): Նա «օրենքով գող» է թագադրվել 1960 թ-ին՝ 23 տարեկանում: Քրեական ողջ կյանքի ընթացքում Տեր-Պողոսյանը ազատազրկման է դատապարտվել է 9 անգամ, ընդ որում երկու անգամ՝ 12 տարվա ազատազրկման: Նրա ամենամեղմ պատժաչափը եղել է 3 ամիսը: Վերջին անգամ «օրենքով գողը» ձերբակալվել է 2008թ-ին՝ Մոսկվայում: