Ղարաբաղյան հակամարտության կարգավորմանն ակտիվ աջակցություն է ակնկալում
Ավստրիական «Պրոֆիլ» ամսագրին տված հարցազրույցում այս մասին Ռուսաստանի ԱԳ նախարար Սերգեյ Լավրովը:հայտարարել է ,որ Ռուսաստանը շահագրգռված է ԵԱՀԿ-ում Ավստրիայի ակտիվ եւ կառուցողական նախագահությամբ: «Մեր ավստրիացի գործընկերներն օբյեկտիվ մոտեցում կցուցաբերեն կազմակերպության օրակարգի ձեւավորման եւ իրականացման հարցում՝ հաշվի առնելով անդամ բոլոր պետությունների շահերը: Վիեննայի առաջարկած 2017 թվականի ծրագիրը, որը մենք մանրամասն ուսումնասիրել ենք, բավական հագեցած է ու պրագմատիկ: Առաջիկա տարում գլխավոր խնդիրը ԵԱՀԿ-ում վստահության ու հնարավորությունների վերականգնումն է՝ իրավահավասար երկխոսության եւ անվանգության ոլորտում կոլեկտիվ որոշումների ընդունման համար»,-ասել է Լավրովը: ԱԳ նախարարը վստահություն է հայտնել,որ ԵԱՀԿ-ն պետք է շարունակի կարեւոր հարթակ դառնալ համընդհանուր եվրոպական օրակարգային առանցքային հարցերի շուրջ մոտեցումներ քննարկելու համար: ԵԱՀԿ-ի առաջնահերթությունների թվում պետք է մնան ահաբեկչության, թմրանյութերի ապօրինի շրջանառության եւ կիբերսպառնալիքների դեմ պայքարը: Հույս ունենք, ԵԱՀԿ-ում Ավստրիայի նախագահության ընթացքում կազմակերպությունը հավուր պատշաճի ուշադրություն կհատկացնի իր տարածքում հակամարտությունների հաղթահարմանը: «Հույս ունենք, որ ԵԱՀԿ-ն այսուհետ նույնպես ակտիվորեն կնպաստի Մերձդնեստրում, ինչպես նաեւ Լեռնային Ղարաբաղի հակկամարտություննեի կարգավորման բանակցային գործընթացներին, ինչն առավել կարեւոր է անցյալ տարի այդ տարածաշրջանում իրադրության սրացման ֆոնին»,- հայտարարել է Լավրովը:
Հետևեք մեզ Viber-ում
