Պահանջվում են ռեյտինգային թեկնածուներ
«Հրապարակ»-ը հայտնում է. Ինչպես բոլոր կուսակցությունները, ՀԱԿ-ը եւս ռեյտինգային թեկնածուներ է փնտրում։ Բանակցում են ակտիվ անհատների հետ։ Առաջարկ է արվել նաեւ հայտնի լեզվաբան Դավիթ Գյուրջինյանին, նա մերժել է։ Ինչո՞ւ։ «Հարցը երկար չի քննարկվել եւ փակվել է, ես իմ գործն ունեմ, ես ՀՀ քաղաքացի եմ մնում»,- ասաց Գյուրջինյանը։ Մերժեցի՞ք քաղաքականությունը։ «Ուզենք, թե չուզենք՝ բոլորս էլ այնտեղ ենք ինչ-որ կերպ, բայց այդտեղ չեմ ուզում»։ Խնդիրը ՀԱԿ-ի՞ հետ է կապված։ «Բացարձակորեն, խնդիրն իմ մեջ էր, ես չկամ քաղաքական, կուսակցական բաների մեջ»։ Փոխարենը «Անտարես» հրատարակչության տնօրեն Արմեն Մարտիրոսյանն ընդունել է ՀԱԿ առաջարկը, նա կմասնակցի ռեյտինգայինով Զեյթուն-Նոր Նորք կամ Կենտրոն տարածքներից մեկում։
Հետևեք մեզ Viber-ում
