Շուլցը հրաժարվել է Եվրախորհրդարանի նախագահի պաշտոից

Գերմանիայի կանցլերի թեկնածու Մարտին Շուլցը հրաժարվել է 170 հազար եվրո փոխհատուցումից, որն իրեն հասնում է Եվրախորհրդարանի նախագահի պաշտոնը վաղաժամ լքելու համար։ Այս մասին հայտնում է Bild–ը՝ վկայակոչելով Գերմանիայի Բունդեսթագ Շուլցի ուղարկած նամակը։ Նամակում, 2012 թվականից Եվրախորհրդարանի նախագահի պաշտոնը զբաղեցրած Մարտին Շուլցը հայտնում է, որ մինչեւ փետրավարի 10–ը կվերադարձնի իր մանդատը՝ դրանով իսկ հրաժարվելով «ֆինանսական փոխհատուցում ստանալու բոլոր հավակնություններից»։ Նշվում է, որ Եվրախորհրդարանի պատգամավորի աշխատավարձը կազմում է 8500 եվրո՝ առանց հարկերի գանձման, պատգամավորները ստանում եմ նաեւ որոշակի հավելավճարներ։ Եվրախորհրդարանի հաջորդ համաեվրոպական ընտրությունները կայանալու են 2019 թվականին, այդպիսով պատգամավորի մանդատից վաղաժամ հրաժարվելու համար Շուլցի ընդհանուր փոխհատուցումը պետք է կազմեր 170 հազար եվրո։