Հովիկ Աբրահամյանը հեռացվեց ՀՀԿ խորհրդի կազմից
ՀՀԿ ԳՄ նիստից հետո լրագրողների հետ հանդիպմանը ՀՀԿ խոսնակ, ԱԺ փոխնախագահ Էդուարդ Շարմազանովը հայտարարեց.«Պարոնայք Հովիկ Աբրահամյանին, Հենրիկ Աբրահամյանին, Արարատի նախկին մարզպետ Ռուբիկ Աբրահամյանին, նաև՝ ԱԺ պատգամավոր Կարինե Պողոսյանին հեռացրել ենք ՀՀԿ խորհրդի կազմից»: «Մենք նման որոշում ենք կայացրել` հաշվի առնելով կուսակցությունը լքելու նրանց դիմումները:Այս պահին քննարկման փուլում է գտնվում Ազգային ժողովի առաջիկա ընտրություններում ՀՀԿ նախընտրական ծրագիրը, որը պատրաստ կլինի մինչև հաջորդ շաբաթվա վերջ: Նիստի ընթացքում քննարկվել է նաև նախընտրական ծրագիրը, ինչպես նաև ներկուսակցական, ներքաղաքական և կազմակերպչական հարցեր»,- նշեց Շարմազանովը:
Հետևեք մեզ Viber-ում
