Կարեն Անդրեասյան. Նրանք, ովքեր ուզում են ինձ շուտ ճանապարհեն երկրից, ցավոք, պետք է նորից հուսախաբ լինեն»

Մարդու իրավունքների նախկին պաշտպան, «Համախմբում» կուսակցության վարչության անդամ Կարեն Անդրեասյանը հաստատում է, որ Վրաստանի մայրաքաղաք Թբիլիսիում գտնվող բանկերից մեկի կառավարման խորհրդի անդամ աշխատելու առաջարկ է ստացել։ – Պարոն Անդրեասյան, ճի՞շտ է, որ հեռանում եք քաղաքականությունից։ – Օտարերկրյա, համաշխարհային մասշտաբի խոշոր բանկ ինձ առաջարկել է լինել Վրաստանում իրենց բանկի տնօրենների խորհրդի անդամ, բայց դա ամենեւին չի նշանակում արտագաղթել։ Եթե ես ընդունեմ այդ առաջարկը, ապա ուղղակի պարբերաբար պետք է այցելեմ այնտեղի բանկ եւ հիմնականում մասնակցեմ տնօրենների որոշումներին։ Այնպես որ, նրանք, ովքեր ուզում են ինձ շուտ ճանապարհեն երկրից, ցավոք, պետք է նորից հուսախաբ լինեն եւ տխրեն։ – Իսկ առաջարկը, որը ստացել եք, գրավի՞չ է, կընդունե՞ք։ – Գրավիչը, եթե նկատի ունեք ֆինանսապես եւ այլ առումներով, բնականաբար, գրավիչ է։ Բայց դա կախված է իմ հետագա քաղաքական անելիքների հետ։ Այնպես որ, երբ որ ես կորոշեմ՝ ինչ է կատարվում քաղաքական ընդհանուր համայնապատկերում, կորոշեմ իմ անձնական գործերը դասավորել։ – Չե՞ք ցանկանում ընկերության անունը նշել։ – Այդ բանկի անունը չեմ կարող նշել այս պահին, որովհետեւ պաշտոնական չեն մեր վերջնական հարաբերությունները եւ դա կոռեկտ չեմ համարում։ Մասնավոր ընկերություն է եւ ճիշտ չէ նախօրոք մարդկանց առեւտրային գաղտնիքները բացահայտել։ Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում