Հարկերը չվճարողներին պատասխանատվության ենթարկել

«ՀՀ տնտեսության զարգացման համար մեծ կարևորություն ունի պետական մարմինների կողից բիզնես միջավայրի բարելավմանն ուղղված նպաստավոր պայմանների ստեղծումը և այնպիսի միջոցառումների ձեռնարկումը, որոնք կապահովեն գործարար միջավայրի անխոչընդոտ զարգացումը», - Կառավարության այսօրվա նիստում վարչապետ Կարեն Կարապետյանը գործարարության զարգացման ու խրախուսմանն ուղղված քայլերի վերաբերյալ հանձնարարական տվեց: «Այս առումով շատ կարևոր է ՀՀ կառավարության կողմից ՀՀ քրեական օրենսգրքում հարկերը, տուրքերը կամ պարտադիր այլ վճարումները վճարելուց չարամտորեն խուսափելու հանցակազմի հստակեցմանն ուղղված օրենսդրական փոփոխությունների նախաձեռնումը:Հաշվի առնելով գործարարության զարգացման և խրախուսմանն ուղղված քայլերի շարունակականությունը՝ առաջարկում եմ ՀՀ իրավապահ մարմիններին հանցագործության դեմ պայքարում իրենց իրավասության շրջանակում հայեցողական լիազորություններ իրականացնելիս հնարավորինս խուսափել միջամտելու տնտեսվարող սուբյեկտների գործունեությանը, իսկ վերջիններիս նկատմամբ այլ միջոցներ ձեռնարկել միմիայն ծայրահեղ դեպքերում», - նշեց վարչապետը: