ԱՄՆ-ը քննադատում է իրանյան բալիստիկ հրթռի փորձարկումները
Ամերիկայի Ձայն ՄԱԿ-ում ԱՄՆ-ի դեսպան Նիկի Հեյլին հայտարարել է, որ երեքշաբթի օրը Իրանի կողմից փորձարկված բալիստիկ հրթիռների փորձարկման փաստը անընդունելի է: «Միացյալ Նահանգները միամիտ չէ: Մենք չենք պատրաստվում հանդուրժել սա: Դուք կտեսնեք մեր արձագանքը և կտեսնեք, որ մենք կարձագանքենք համապատասխանաբար: Մենք պատասխանատու ենք և ուզում ենք հավաստիանալ, որ նրանք հասկանում են, որ այս ամենը անընդունելի է:»,- հայտարարել է դեսպանը: ԱՄՆ-ը խնդրել է անհապաղ հրավիրել ՄԱԿ-ի Անվտագության Խորհրդի խորհրդակցություն՝ քննարկելու իրանյան բալիստիկ հրթռի արձակումը: Իրանի արտգործնախարար Մուհամեդ Ջավադ Զարիֆը իր ֆրանսիացի գործընկեր Ժան-Մարկ Էյրոնի հետ հանդիպման ժամանակ չի հաստատել, սակայն եւ չի հերքել է բալիստիկ հրթռի փորձարկումը: Նա նշել է, որ Իրանի հրթիռային ծրագիրը ԱՄՆ-ի և այլ հինգ խոշոր տերությունների հետ համաձայնագրի մաս չի կազմում: Իրանը հայտարարել է, որ իր ծրագիրը չի սպառնում որևէ այլ երկրի: Իրանի արտգործնախարարը հույս է հայտնել, որ այս փորձարկումը չի օգտագործվի ԱՄՆ-ի նոր վարչակազմի կողմից՝ Իրանի հետ հարաբերությունները լարելու համար: ՄԱԿ-ի 2231 բանաձևը, որը ընդունվել է Իրանի համաձայնագրից հետո, կոչ է անում չձեռնարկել որևէ գործողություն բալիստիկ հրթիռների հետ կապված: ԱՄՆ-ի նախագահ Դոնալդ Թրամփն այս համաձայնագիրը անվանել է անհեթեթ և խոստացել է այն անվավեր ճանաչել կամ վերանայել նախընտրական քարոզարշավի ընթացքում:
Հետևեք մեզ Viber-ում
