Ընդունում եմ ՀՀԿ-ի առաջարկը, կընդգրկվեմ Շիրակի մարզի ռեյտինգային ցուցակում. Մարտուն Գրիգորյան

Ես ընդունում եմ ՀՀԿ-ի առաջարկը և անկուսակցականի կարգավիճակով կընդգրկվեմ կուսակցության Շիրակի մարզի ռեյտինգային ցուցակում: Այս մասին իր ֆեյսբուքյան էջի միջոցով հայտնել է պատգամավոր Մարտուն Գրիգորյանը: «Սոցիալապես ամենածանր պայմաններում գտնվող Շիրակի մարզից պատգամավոր ընտրվելն ինքնանպատակ չէ: Իմ գործունեության տասնամյա փորձն ապացուցում է, որ քաղաքական ճանապարհ պետք է անցնել այնպիսի ուժի հետ, որի հնարավորություններն ու միջոցները կարողանաս ծառայեցնել մարզին ու քաղաքին»- գրել է նա և հավելել, որ ինքը չի կարող ներկայացվել մի թիմում, որտեղ կա Գյումրու նախկին քաղաքապետը: