Human Rights Watch-ի կոչը՝ ազատ արձակել Անդրիաս Ղուկասյանին
Human Rights Watch իրավապաշտպան կազմակերպությունը դատապարտել է «Նոր Հայաստան» շարժման առաջնորդ Անդրիաս Ղուկասյանի կալանքի երկարաձգման որոշումը ՝ 2 ամսով և կոչ է արել ազատ արձակել նրան: Անդրեաս Ղուկասյանը ձերբակալվել է 2016թ. հուլիսի 29-ին՝ Էրեբունու ՊՊԾ գնդի գրավմանը հաջորդած ցույցերի ժամանակ: Նա մեղադրվում է «զանգվածային անկարգություններ կազմակերպելու» մեջ: Անցյալ շաբաթ դատարանը նրա կալանքի ժամկետը երկարաձգեց ևս երկու ամսով: Իրավապաշտպանները նշում են, որ անցյալ շաբաթ տեղի ունեցած լսումներում դատախազը պահանջեց երկարացնել կալանքի ժամկետը՝ հաշվի առնելով մեղադրանքների ծանրությունը: Այնուամենայնիվ, իրավապաշտպանները վկայակոչում են հուլիսի 29-ի դեպքերն արտացոլող տեսանյութը, որում Ղուկասյանը ցուցարարներին կոչ է անում հանգստություն պահպանել և ոստիկանության հետ բախման չգնալ: Դատարանն ուսումնասիրել է տեսանյութը, բայց մերժել է Ղուկասյանի փաստաբանի միջնորդությունը՝ թույլատրել դեպքերին ականատես լրագրողներին կամ ցույցի մասնակիցներին վկայություն տալ հօգուտ Ղուկասյանի: Human Rights Watch կազմակերպության Հարավային Կովկասի բաժնի տնօրեն Գիորգի Գոգիան հիշեցնում է՝ իրավապաշտպանները վկայակոչում են հուլիսի 29-ի դեպքերն արտացոլող տեսանյութը, որում Ղուկասյանը ցուցարարներին կոչ է անում հանգստություն պահպանել և ոստիկանության հետ բախման չգնալ: Դատարանն ուսումնասիրել է տեսանյութը, բայց մերժել է Ղուկասյանի փաստաբանի միջնորդությունը՝ թույլատրել դեպքերին ականատես լրագրողներին կամ ցույցի մասնակիցներին վկայություն տալ հօգուտ Անդրիաս Ղուկասյանի. «Դատավորը մեջբերել է Մարդու իրավունքների եվրոպական դատարանի մի քանի գործեր՝ ասելով, որ դատարաններն իրավունք ունեն լսումների այս փուլում չլսելու պաշտպանող կողմի վկաներին։ Խրախուսելի է, որ դատավորը մեջբերում է Եվրոպական դատարանի կանոնադրությունը: Բայց եվրոպական դատարանի մյուս եզրակացությունները հավասարապես կարևոր են այս գործում»: «Քննիչները պնդում են, որ Ղուկասյանը կարող է փախուստի դիմել կամ միջամտել քննությանը, բայց իրենց պնդումն ապացուցող ոչ մի փաստ չեն ներկայացնում: Դատախազն էլ պարզապես թվարկում է Հայաստանում օրենքով ընդունված այն պատճառները, որոնք արգելում են գրավով ազատ արձակումը»,- գրում է Գոգիան:
Հետևեք մեզ Viber-ում
