Մամեդյարովը Լավրովի հետ բանակցություններից դժգոհ է

Ինչպես հաղորդում է Trend գործակալությունը,  Ադրբեջանի ԱԳ նախարար Էլմար Մամեդյարովը՝ մեկնաբանելով ՌԴ ԱԳ նախարար Սերգեյ Լավրովի հետ հանդիպումը, որը կայացել է հունվարի 24-ին Մոսկվայում ասել է,որ չի  կարող լավատեսությամբ ընդունել Մոսկվայում բանակցությունների արդյունքները։ «Մոսկվան փորձում է կազմակերպել հանդիպում՝ Հայաստանի, Ադրբեջանի, Ռուսաստանի ԱԳ նախարարների մասնակցությամբ։  Բաքուն տվել է իր համաձայնությունը։Փետրվարի 17-19-ին Մյունխենում կկայանա անվտանգության հարցերով մյունխենյան համաժողովը, և այդ համաժողովի շրջանակում նախատեսվում է ԵԱՀԿ Մինսկի խմբի համանախագահների հետ հանդիպում»,- ասել է նա։ Մոսկվայում կայացած հանդիպման ժամանակ արտգործնախարարները քննարկել են Լեռնային Ղարաբաղի հակամարտության կարգավորման գործընթացը։