Մեղադրվում են քաղաքապետի վարորդը և օգնականը

Սեպտեմբերի 16 -ի ուշ երեկոյան Էջմիածնում տեղի ունեցած միջադեպի գործով դատական առաջին նիստին ներկա  էին 3 ամբաստանյալները՝  Կարեն Արմենակյանը, Արամ Գրիգորյանը, Արսեն Կարապետյանը.որոնց  մեղադրանք է  առաջադրված Էջմիածնի քաղաքապետի նախկին թեկնածու Արթուր Թումանյանի նկատմամբ բռնություն գործադրելու համար։ 3 ամբաստանյալներն էլ ԵԿՄ անդամ են, Էջմիածնի քաղաքապետարանի աշխատակիցներ։  Մեղադրյալներից Կարեն Արմենակյանն Էջմիածնի քաղաքապետի վարորդն է, Արսեն Կարապետյանն՝  օգնականը, մյուս ամբաստանյալը ևս  քաղաքապետարանում է աշխատում։  Նիստի ընթացքում ամբաստանյալները հայտարարեցին, որ իրենց  մեղավոր չեն ճանաչում։ Դատական  առաջին նիստը կարճ տվեց,իսկ ահա ժամը 15։00-ին նախատեսված է դատական լսում գործի մյուս՝ Էջմիածնի ավագանու  անդամի առևանգման մասով։