Ցուկերբերգը Թրամփի հրամանի դեմ է հանդես եկել

«Facebook» սոցիալական կայքի հիմնադիր Մարկ Ցուկերբերգը դիմում է հրապարակել, որում իր դժգոհությունն է հայտնել և քննադատել ԱՄՆ նախագահ Դոնալդ Թրամփի գործողությունները, մասնավորապես, փախստականների վերաբերյալ հրահանգների: Այս մասին գրում է Gazeta.ru-ն: Ինչպես գրել է՝ իր նախնիները ԱՄՆ են եկել Գերմանիայից, Ավստրիայից և Լեհաստանից, իսկ իր կնոջ ծնողները չինացի և Վիետնամցի փախստականներ են եղել: «Մենք պետք է փախստականների և օգնության կարիք ունեցողների առաջ դռները բաց պահենք: Դա այն է, ինչ մենք ենք: Եթե մենք երես թեքեինք փախստականներից մի քանի տասնամյակ առաջ, Պրիսցիլայի՝ Ցուկերբերգ ընտանիքն այսօր այստեղ չէր լինի»,- հաղորդել է նա: