ԱՄՆ-ն պետք է ընտրություն կատարի Թուրքիայի եւ քրդերի միջեւ. Էրդողան

ԱՄՆ իշխանությունները որպես գործընկերներ պետք է ընտրություն կատարել Թուրքիայի իշխանությունների եւ «Դեմոկրատական միություն» կուսակցության (PYD) քրդական ուժերի միջեւ։ Այս մասին հայտարարել է Թուրքիայի նախագահ Ռեջեփ Թայիփ Էրդողանը։ Նման տեսակետ Էրդողանը հայտնել է կիրակի հրապարակած իր մեկնաբանություններում, ԱՄՆ նախագահի ներկայացուցչի սիրիական Քոբանի կատարած այցից մեկ շաբաթ անց։ Նշենք, որ Քոբանին գտնվում է PYD-ի ռազմական թեւի վերահսկողության տակ, իսկ Անկարան PYD-ին հմարում է ահաբեկչական կառույց, որը կապված է Քուրդիստանի բանվորական կուսակցության (PKK) հետ։ «Ինչպե՞ս մենք կարող ենք ձեզ վստահել։ Կամ ես եմ ձեր դաշնակիցը, կամ Քոբանիի ահաբեկիչները»,-NEWS.am-ի փոխանցմամբ՝ Էրդողանի խոսքերն է մեջբերել AP-ը։ «Իսլամական պետության» դեմ պայքարող կոալիցիայում ԱՄՆ նախագահ Բարաք Օբամայի հատուկ ներկայացուցիչ Բրեթ Մաքգուրքը նախորդ հանգստյան օրերին այցելել էր Սիրիայի հյուսիսում քրդերի կողմից վերահսկվող տարածքներ, որտեղ բանակցություններ էր վարել քուրդ-արաբական դաշինքի ներկայացուցիչների հետ, որոնք պայքարում են ԻՊ-ի դեմ։ ԱՄՆ պետքարտուղարության ներկայացուցիչը հայտնել է, որ Մաքգրուքը սիրիական Քուրդիստանում է անցկացրել երկու օր եւ այցելել է նաեւ Քոբանի։