Ծառուկյանն ու Հովիկ Աբրահամյանը նորից հանդիպել են

Մենք գրել էինք, որ Մոսկվա այցից առաջ նախկին վարչապետ Հովիկ Աբրահամյանը մի քանի լարված զրույց է ունեցել Գագիկ Ծառուկյանի հետ վերջինի դաշինքում հայտնվելու հարցով: Մոսկվայից վերադառնալուց հետո կրկին հանդիպել է Ծառուկյանին եւ վերջնականապես մերժում ստացել, թե չի կարող տեղ գտնել նրա դաշինքում։ Երեկ հայտնի դարձավ, որ Աբրահամյանը լքում է կուսակցությունը։ Մեր տեղեկություններով երեկ նորից հանդիպել են Ծառուկյանն ու Հովիկ Աբրահամյանը, վերջինս իր քաղաքական տեղի, դիրքի վերաբերյալ այլ ճանապարհներ է առաջարկել, մասնակցության այլ ձեւաչափ, սակայն ընդհանուր հայտարարի չեն եկել։ Նշենք նաև, որ երեկ Հովիկ Աբրահամյանի ծննդյան օրն էր: